ھەپەگە ئەرەیاوناش، گەریلاکاو ئازاڎیی کوردسانی بە چالاکییەکاشا، خێرامای وەنەو جەژنەو ژیوایۊ ۱٥ ئابی (تەباخ) کەرا. جە چالاکییەکاو گەریلاینە، ٤ سەروازۍ تورکی ئەرەگیری سزا دریۍ، ھەرپاسە سەنگەرێوە و کامێرێوە چەمڎاری مەڕییێ".
جە ئەرەیاوناێوەنە ناوەندوو ئەرەیاونای و چاپەمەنیی ھەپەگەی وەڵاش کەرڎەنۊ، کە "گەریلاکاو ئازاڎیی کوردستانی، بە ڕۊحوو ۱٥ ئابی، بە کەرڎەی چالاکی، خێرامایشا جە جەژنەو ژیوایۊ کەرڎە. سوپاو تورکی ئەرەگیری وەروو ئانەیە ئا گورزە قورسا سەروو کەشوو جودینە وەرش کەوتۍ بشارۊوە و ڕای گرڎینی خەڵەتنۊ، بانگەشەو ئانەیە کەرۊ، کە جە مەیڎانوو مڎرامانوو کەشوو جودینە، ٤ ھامڕێما گەشمەرڎۍ بیێنۍ، ئینە دروێنە و ھامڕێما حیچ زەرەرێوەشا وەرنەکەوتەن و گرڎ خەریکۍ هەرمانە و وەرپەرسبییەی وێشانۍ."
ھەپەگە بارەو چالاکییەکاو گەریلای و ھجوومە ئەرەگیرکارییەکاوە ئی زانیاریێشە وەڵۍ کەرڎێنێوە:
"جە ھەرێموو گەشمەرڎە دەلیلوو وەرنیشتوو زاپی:
١٠ ئابی سەعات ٠٦:٠٠، مەیڎانوو مڎرامانوو کەشوو جوودینە، بە چەکی نیمچە ئۊتۊماتیک وەنەو ئەرەگیرا دریا، و ئەرەگیرێوە سزا دریا. چالاکییەکە هێزەکاو یەژاستاری کەرد.
١٠ ئابی سەعات ١٢:٣٠، مەیڎانوو مڎرامانوو کەشوو جوودینە بە چەکی نیمچە ئۊتۊماتیک ئەرەگیرۍ کریۍ ئامانج.
١٠ ئابی سەعات ٢٠:٢٠ تا ٢٤:٠٠، چوار جارۍ ھەلیکۊپتەرەکۍ، کە هەوڵێشا دۍ ئەرەگیرا مەیڎانوو مڎرامانوو کەشوو جوودینە بنیارە، ئامێوە دەسۍ پەیشا.
١١ ئابی سەعات ٠١:٤٠، مەیڎانوو مڎرامانوو کەشوو جوودینە، بە چەکی قورس وەنەو ئەرەگیرا دریا و ئەرەگیرێوە سزا دریا، چالاکییەکە هێزەکاو یەژاستاری کەرد.
ھەرێموو خواکورکینە:
٤ ئابی، سەعات ١٨:١٨، جە مەیڎانوو مڎرامانوو کەشوو گەشمەرڎە دەروێشینە، بە چەکی قورس سەنگەرەکاو ئەرەگیرا کریۍ ئامانج. چا چالاکییەنە کە هێزەکاو یەژاستاری کەرد، ۲ ئەرەگیرۍ سزا دریۍ و سەنگەرێوە تەپیا.
ھەرێموو گەڤەرینە:
٦ ئابی سەعات ١٨:٠٠، هێزەکێما جە ھەرێموو گەڤەرینە ھەستشا بە کامێرێوە چەمڎاریی سوپاو تورکی ئەرەگیری کەرد و دلێشانە بەرد. دماو ئا چالاکییەیە سوپاو تورکی ئەرەگیری جە دەوروبەروو دەگاو مەمکاوەو سەر بە گەڤەرینە ئۊپەراسیۊنێوەش کرد. ئا ئۊپەراسیۊنە، کە دووۍ ڕوێش خواینا، بێئەنجام بۍ.
هجوومەکاو سوپاو تورکی ئەرەگیری:
۱۰ ئابی، ھەرێموو گەشمەرڎە دەلیلوو وەرنیشتوو زاپینە، ٥ جارۍ مەیڎانوو مڎرامانوو کەشوو وەهاری، ٥ جارۍ مەیڎانوو مڎرامانوو کەشوو جوودی، ۲ جارۍ کەشوو زنگلی و دەگاو زێڤکوو سەر بە گارەی، بە گرڎیوە ۱۲ جارۍ بە تەیارەی جەنگی بۊردومانۍ کریۍ.
١٠ ئابی، مەیڎانوو مڎرامانوو کەشوو جوودی، ١٢ جارۍ بە هەلیکۊپتەرە هجوومبەرەکا بۊردومان کریا.
ھەرێمەکاو زاپی، گەشمەرڎە دەلیلوو وەرنیشتوو زاپی و مەتینای تۊپوارانۍ کریۍ.
س.ز
