زیاتەر جە ١٠٠ پەرلەمانتاراو عێراقی داواو بەرکەردەیی هێزە بێگانەکا کەرا
ئەنجوومەنوو نوێنەراو عێراقیینە ئیمزاو زیاتەر جە ١٠٠ پەرلەمانتارا کوێ کریێنێوە پەی بەرکەردەی ھێزە بێگانەکا عێراقنە.
فالح خەزعەلی، ئەنداموو ئەنجوومەنوو نوێنەراو عێراقی جە چەنەدوایێ ڕۆژ=نامەوانیینە ئەرەیاوناش، کە ئەنجوومەنوو نوێنەراو عێراقینە زیاتەر جە ١٠٠ ئیمزایاو پەرلەمانتاراو عێراقیشا کوێ کەردێنێوە پەی ئامادەکەردەی یاسێوە و پەسەندکەردەیش پەی بەرکەردەیی ھێزە بێگانەکا خاکوو عێراقینە.
فالح خەزعەلی، ئەنداموو ئەنجوومەنوو نوێنەراو عێراقی ئاشکراش کەرد: " ئەنجومەنوو نوێنەراو عێراقیینە کۆدەنگیێوە هەن پەی بەرکەردەیی سەرجەموو ھێزە بێگانەکا عێراقنە دلێشانە ھێزەکاو ئەمریکای".
