زینڎانیێوەتەر جە زینڎانەنە کوشیا
زینڎانەکا دەوڵەتوو تورکینە پاشێلکارییەکۍ مافوو مرۆڤی و کردەوە نامرۆڤانەکۍ ئینۍ بەرزبیەیۊینە، زینڎانیێوەتەر کوشیا.
زینڎانی سیاسی رێبەر سۆیدان تەمەن ٢٠ ساڵ، جە زینڎانی جۆروو ئێفی ئاسایشوو باڵاو وانینە جە ژووری تاکەکەسینە بۍ. کاربەدەسا زینڎانی سەرسەعبوو ئارۆی پەیوەندیشا بە محەمەد سۆیدانی تاتەو ئا زینڎانیۆ کەرد و بانگەشەو ئانەیشا کەرد کە کوڕەکەش جە ژوری تاکەکەسینە ۋێش هۊرواستەن و 'ۋێش کوشتەن'.
جەنازەو رێبەر سۆیدانی پەی توێکاری رەوانەو خەسەخانەو دورسون ئۆداباشی وانی کریان.
رێبەر سۆیدان دووۍ ساڵۍ چێوەڵتەر گیریا بۍ، بە بانگەشەو حۊڵدای دژوو یەکپارچەیی وڵاتەکەی دادگایی کریۍ. بەمەڵامەتوو ئا تۆمەتێوە بە گرڎیی ٥٣ ساڵۍ سزاو زینڎانیش سەرەرە سەپیابۍ.
جە زینڎانەکا دەوڵەتوو تورکینە هەزاران زینڎانیۍ نەوەشۍ تەرسەو مەردەیشا سەرا، ئینە جیا چانەی بە دەیان زینڎانیۍ بە مەڵامەتوو مامەڵە و رەفتاری نامرۆڤانەیۆ جە زینڎانەنە گیانشا جە دەسدان.
