زینەب ئۆدونجوو پەرلەمانتارەو دەم پارتی هۊرسەنگنایش کەرد پەی هرووژمە بەردەوامەکا دەسەڵاتداری ئاکەپە-مەهەپەی و گېرتەی ٩ کەسا جە ئێلیحەنە کە ٣ چانیشا ئەڎایا کورڎینۍ.

زەینەبە جە قسەکاشەنە ئاماژەش پانەیەدا کە سیاسەتوو دلێنەبەردەی و نکۆڵیکەردەی جە کورڎا جە هەرچوار پارچەو کورڎەسانینە بەردەواما و واتش: "مەرامېوە ڕۊشنوو ئی سیاسەتەیە پەی دلېنەبەردەی دەسکەوتەکا گەلوو کوردین. داخەم مەشۆ ئا هۆشیارییەی ئینا پەشتەو بەدەسئاوردەی پێگە و ستاتۆو کوردیوە قبووڵ نمەکەرۆ ئی هەرمانۍ سەرو بنەمایۍ ڕەوای بکریۆ و پی مەڵامەتەیچۆ جەنگوو دژ بەدەسکۊتەکا کوردی جە هەر چوار پارچەو کورڎەسانینە ئەرەیاۋییان. بارزانی بیەن هامبەش و ئا سیاسەتە قڕکاریا کە دەسەڵاتداری ئاکەپە-مەهەپەی سەرو کوردیرە ڕاوەبەرش مکەرۆ و ئینەیچ بێجگە جە خیانەتکەردەی جەگەلوو کوردی هیچی تەر نیا. داخەم نمەشۆ هه ڵوێس و ئەنەیاوای دەوڵه تی سەرو بنەماو نکۆڵی- دلېنەبەردەی و تاونایۆ کوردین. داخەم نمەشۆ ئی چەمکە جگە جە جەنگی و مەردەی و هەڵسا هیچی تەرش پەی گەلا تورکیای و کورڎەسانی ناورد."

'دمایئارڎەی بە گۆشەگیری مبۆ بە مەڵامەتوو ئازاڎیی گەلا'

زینەب ئۆدونجوە پەرلەمانتارەو دەم پارتی باسش چانەیچەکەرد کە گەلوو کورڎی چڼین ساڵېن جە ۋەرا ۋەرو ئی ئەنەیاواینە ئینا ئەرەکۊشاینە، دماییئارڎەی پی ئەنەیاوایە بەمەعناو ئامای ئارای ژیۋایۍ هامبەشوو گرڎوو گەلا تورکیایا و واتش: "پەی ئانەی گۆشەگیری دمایش پنەبۍ، پەنەوازا ئەرەنیشتەی بکریۆ و دمایی بە سیاسەتو جەنگی بێنە. ئەنجامدای چەمپنەکۊتەی چنی ئیمراڵی کاریگەریش مبۆ سەرو دەسەبەرکەردەی ئازاڎیی گرڎوو گەلا، دماییئارڎەی بە گۆشەگیری مبۆ بە ئازاڎیی گەلا. بەڵام ۋەرو ئانەی دەسەڵاتداری ئی کاریگەرییە مزانۆ، هەوڵمڎۆ گۆشەگیری قوڵتەر بکەرۆوە."

جە دماینە زەینەبە ئاماژەش پانەیەدا گۆشەگیری کاریگەریش سەرو گرڎوو مېڎانە ژیۋاییەکا هەن و واتش: "دژایەتیکەردەی ئەڎایا کوردی ڕێخەکەش ئینا تاریخەنە. گرڎ کاتێ جە دەورو ئەڎایا کوردی متەرسا جە گلېرگەنە، پۊکەی گرڎ کاتۍ هرووژم مکەرا سەرو ئەڎایا کوردی. جە هۊرکای سەرو دەگێوە ئیلحینە چڼین کەسۍ گیریا، کە ئەڎێچشا چنەبێنۍ. دووۍ چا ئەڎایا بە مەڵامەتوو نەوەشی و دەرمانیوە ڕەوانەو زیڼانی کریێنۍ. ئینەیچ بەروزو تەرسەو دەسەڵاتدارینە و جە هەمانکاتەنە دووژمنایەتی دەسەڵاتدارییا ۋەرا ۋەر بە ئاڎایا کوردی."