بە مەبەستی دیدار لەگەڵ رێبەری گەلی کورد داواکاری پێشکەش کرا
بەمەبەستی بینینی رێبەری گەلی کورد عەبدوڵا ئۆجالان و زیندانیانی دیکەی ئیمراڵی پارێزەران داوای ئەنجامدانی دیداریان کرد.
لەپارێزەرانی نوسینگەی یاسایی سەدە ئیبراهیم بیلمەز، رازیە ئۆزتورک، عەمران ئەکمەکچی و جەنگیز یورەکلی بۆ ئەوەی بتوانن سەردانی ئیمراڵی بکەن داواکاری نوێیان بەرزکردەوە.
بەمەبەستی بینینی عەبدوڵا ئۆجالان کە زیاتر لە دوو ساڵە هەواڵی نازاندرێت و هەروەها عومەر خەیری کۆنار، حامیلی یەڵدرم و وەیسی ئاکتاش کە ئەوانیش لە ئیمراڵین، پارێزەران داواکارییان پێشکەش بە داواکاریی گشتیی کۆماری بورسا و بەڕێوەبەرایەتی زیندانی ئیمراڵی کرد.
لە ٢٥ی ئاداری ٢٠٢١ بەدواوە زانیاری لە بارەی رێبەری گەلی کورد عەبدوڵا ئۆجالان بەردەست نییە و هەواڵی نازاندرێت.
هـ. ب
