هەریەك له ئیبراھیم بیلمەز، ڕازیه ئۆزتورك، جەنگیز یورەکلی، عەمران ئەمەکچی، له پارێزەرانی نووسینگەی یاسایی سەده، بۆ ئەوەی بتوانن دیدار لەگەڵ موەكیلەكانیان عەبدوڵا ئۆجالان، عومەر خەیری کۆنار، حامیلی یڵدرم، وەیسی ئاکتاش، ئەنجام بدەن کە لە ئیمراڵی گۆشەگیر کراون، جارێکی دیکی سەردانی داواكاری گشتیی كۆماری بورسا و بەڕێوەبەرایەتی زیندانی ئیمراڵی-یان كرد.

لە ٢٥ی ئاداری ٢٠٢١ەوە بەهیچ جۆرێک زانیاری لەبارەی رێبەری گەلی کورد عەبدوڵا ئۆجالان بەردەست نییە، ئەمەش لەکاتێکدایە پارێزەران هەفتەی دوو جار داواکاری پێشکەش دەکەن، بەڵام وەڵامی داواکارییەکەیان نادرێتەوە.

ھەروەھا لەماوەی ١٢ ساڵی رابردوودا پاڕێزەران تەنیا ٥ جار ڕێگەیان پێدراوە دیدار لەگەڵ رێبەری گەلی کورد، عەبدوڵا ئۆجالان ئەنجام بدەن کە دوایین دیداریش لە ڕۆژی ٧ی ئابی ٢٠١٩ ئەنجامدراوە.