یەکێک لەو کەسانەی کە دژی گۆشەگیریی توندی ئیمرالییە و داوای ئازادی جەستەیی ڕێبەری گەلی کورد عەبدوڵا ئۆجالان دەکات ، چالاکوانی ناسراوی فێمینیستی هیندستان ئەبها بەهیایە. 

ئەبها بەهیا، یەکێک لە دامەزرێنەرانی جاگۆری گرامین و بەڕێوەبەرانی دەستپێشخەری فێمینیستی جیهانی 'یەک ملیار سەریهەڵداوە'، لەگەڵ پەیامنێری ئاژانسەکەمان، سەرکان دەمیرەل، سەبارەت بە گرنگی ئازادی عەبدوڵا ئۆجالان و پارادیگماکەی قسەی کرد. 

'بەدیلێکی گرنگ لە دژی سیستەمی سەرمایەداری'

ڕێبەری فێمینیست ئەبها بەهیا جەختی لە گرنگی پارادایمی عەبدوڵا ئۆجەلان سەبارەت بە نەهێشتنی کاریگەری قورسی سیستەمی سەرمایەداری لەسەر کۆمەڵگاکان کردەوە و وتی: "بەڕای من بیرۆکەکانی عەبدوڵا ئۆجالان بۆ دیموکراسی و یەکسانی ڕێگا و ئامرازەکانی دروستکردنی جیاوازن جیهان بە پارادایمێکی نوێ لە دەرەوەی جیهانی ئێستا. لە ڕوانگەی منەوە عەبدوڵا ئۆجەلان فێمینیستێکی بێ هاوتایە. بە بۆچوونی من زۆر گرنگە عەبدوڵا ئۆجالان باس لە ڕۆڵی ناوەندی ژنان بکات لە هەموو بوارەکاندا." 

'مۆدێلێکی جیاواز پێشکەش دەکات' 

ئەبها بەهیا ئاماژەی بەوەدا کە عەبدوڵڵا ئۆجەلان ڕێبەری گەلی کورد شێوازێکی جیاواز لە بەڕێوەبردن پێشکەش دەکات و وتی: "زۆر گرنگە عەبدوڵا ئۆجەلان مۆدێلێکی بەڕێوەبردن پێشکەش دەکات کە زۆر جیاوازە لە مۆدێلەکانی ئێستای بەڕێوەبردن لە جیهاندا. ئەمڕۆ لەم جیهانەدا زۆربەی ناوچەکان میلیتاریزەکراون کە ململانێ و نایەکسانی دروست بووە، ئەمڕۆ لە ۲۲ ناوچە شەڕ هەیە، سیستەمی سەرمایەداری دژی ئاشتییە، بە دوورکەوتنەوە لە پێناسەکانی شارستانییەتی سەرمایەداری، دەبێت جیهانێک دروست بکەین کە باس لە مافی ژیانێکی دادپەروەرانە و شکۆمەندی بێت بۆ گەلان لە سەرانسەری جیهاندا، گەلانی تێکۆشەر حاوەنداری لە یەکتر بکەن." 

"پێویستە بۆ ئازادی عەبدوڵا ئۆجالان لەسەر یەک پلاتفۆرم کۆببینەوە " 

ئەبها بەهیا ئاماژەی بەوەدا کە زۆر شت هەیە کە بزووتنەوە فێمینیستە جیهانییەکان دەتوانن لە بزووتنەوەی ژنانی کورد بە ڕێبەرایەتی عەبدوڵا ئۆجالان ڕێبەری گەلی کورد فێری ببن و وتی: " بۆیە من بڕیارم داوە گفتوگۆیەک لەگەڵ بزووتنەوە فێمینیستەکان لەسەر ئەم بابەتە بکرێت، چونکە ئێمە، پەیوەندیمان لەگەڵ ١٥٠-١٦٠ وڵات هەیە، هەروەها جیا لە ئەمە، چ سەندیکاکان بێت یان گروپەکانی مافی مرۆڤ، ژینگەپارێز، پێویستە هەموو مرۆڤە تێکۆشەرەکان بیر لەوە بکەینەوە کە دەتوانین پێکەوە چی بکەین، هەموومان دەتوانین بۆ ئازادی ئۆجالان لەسەر یەک پلاتفۆرم کۆببینەوە، کۆببینەوە و لە بزووتنەوەی فێمینیستی کوردستانیش هاوکاریمان بکەن." 

'عەبدوڵا ئۆجالان بە ئیرادەی دەتوانێت سیستەمێکی جیهانی جیاواز ڕێبەری بکات'

ڕێبەری فێمینیست ئەبها بەهیا ئاماژەی بە گرنگی شیکاری مێژوویی ڕێبەری گەلی کورد عەبدوڵا ئۆجالان  کرد و وتی: "بە بۆچوونی من ئۆجالان کەسێکی ناوازەیە کە هیوایەکی زۆر بە جێبەجێکردنی ئەو مۆدێلە دەبەخشێت کە ئێمە پێی دەڵێین حکوومەتی فیدراڵی. ڕوانگە گرنگەکانی ئۆجالان کە بەڕاستی کاریگەرییەکی زۆری لەسەر منیش هەیە، دەڵێت بزووتنەوە فێمینیستەکان بەشێکن لە تێکۆشان بۆ بزووتنەوە گەورەکانیش، واتە ئۆجالان دەبینێت کە سیستم و شارستانیەتی ئێستا لەسەر کۆیلایەتی ژن بنیات نراوە. تا ئەم کۆیلایەتییە بۆ هەموو مرۆڤێک لەناو نەبرێت، سیستەمی سەرمایەداری بەردەوام دەبێت."

ئەبها بەهیا لە درێژەی قسەکانیدا وتی: "ئۆجالان دەتوانێت سیستەمێکی جیهانی جیاواز ڕێبەری بکات، من قەد ئەم فەلسەفەیەم لە کەسی تر نەبیستووە. ئۆجەلان دەبێت ئازاد بێت. دەبێت دەنگی بگاتە هەموو شوێنێک و بڵێت 'ئێمە سەر بەم جیهانەین و ئەم جیهانە هی ئێمەیە."