لە ئەنجامی لێپرسینەوەی داواکاری گشتی کۆماری باکرکۆ، سزانامە ئامادەکرا و ڕادەستی ١٣ هەمین دادگای سزای قورسی باکرکۆ کرا. تێیدا داواکراوە کابۆغلو و ئەندامانی دەستەی بەڕێوەبەری بە تۆمەتی "پرۆپاگەندە بۆ ڕێکخستن لەڕێگەی ڕاگەیاندنەوە" و "بڵاوکردنەوەی هەواڵی ناڕاست لە ڕاگەیاندن" دادگایی بکرێن.

ئاماژە بەوە کراوە، لێدوانی تۆمەتبارەکان زیانی بە کۆمەڵگە گەیاندووە و لە میدیای دیجیتاڵدا گەیشتووەتە جەماوەرێکی بەرفراوان. لە سزانامەکەدا داوای قەدەغەی سیاسی کراوە.

١٣ هەمین دادگای سزای قورسی باکرکۆ مۆڵەتی بە تۆمەتبارەکان داوە بەرگری لە خۆیان بکەن و بەڵگەکانیان بخەنەڕوو.

دادگا ڕایگەیاند ئەگەر ڕێگە بە دادگاییکردن بدرێت، ئەوا دۆسیەکە ڕادەستی داواکاری گشتی کۆماری ئیستەنبوڵ دەکرێت و لە دادگای ئیستەنبوڵ دادگاییەکە بەڕێوەدەچێت.