دەم پارتی ڕایگەیاند کە ١٠هەمین پاکێجی دادوەری چاوەڕوانییەکانی گەڵ جێبەجێ ناکات. دیلان کونت ئایان پەرلەمانتاری دەم پارتی وتی: "ڕای گشتی چاوەڕێی ئازادکردنی بێ مەرجی زیندانیانی نەخۆش دەکات بەبێ جیاوازی."
ئەندامانی کۆمیسیۆنی دادوەری دەم پارتی لە لێدوانێکیدا بۆ ڕۆژنامەکان سەبارەت بە ١٠هەمین پاکێجی دادوەری لە پەرلەماندا کە ئەندامانی کۆمیسیۆنی دادوەری دیلان کونت ئایان، نەورۆز ئویساڵ ئاسڵان، ئۆنور دوشونمەز و زولکوف ئوچار تێدا بەشدارییان کرد بەیاننامەیەکی بڵاو کردەوە.
دیلان کونت ئایان ئاماژەی بەوەدا کە پاکێجەکە لەگەڵ ڕۆحی پرۆسەی بەردەوامی چارەسەری پرسی کورددا ناگونجێت و وتی: "بە تێگەیشتنێک کە گوێ لە بانگەوازەکانی گەلی نەگرتووە، یاسا و گروپە قوربانییەکان ناگرێتەوە. بانگەوازەکەی بەڕێز ئۆجالان بۆ ئاشتی و کۆمەڵگای دێموکراتیک، ڕێگە بۆ پرۆسەیەکی نوێی مێژوویی، سیاسی و کۆمەلایەتی کردووتەوە. هەروەها بەیاننامەی دووەمی ١٢ی ئایار هەنگاوێکی مێژووییە کە هیوای پێکەوە ژیان لەنێوان گەلی تورک و گەلی کورد دەکاتەوە، هەر هەنگاوێکی یاسایی کە لەم دۆخەدا بنرێت دەبێت خزمەت بە ئاشتی و ژیانێکی شکۆمەند بکات."
دیلان کونت ئایان ئاماژەی بە پاکێجەکە کرد و وتی: "بەتایبەتی گۆڕانکاری لە یاساکانی سزادان بووە هۆی نائومێدی دەیان هەزار زیندانی و بنەماڵەکانیان. هیچ هەموارکردنەوەیەکی پێویست بۆ زیندانیانی سیاسی و زیندانیانی نەخۆش و ئەوانەی لە زینداندان ڕووبەڕووی جیاکاری سیستماتیک دەبنەوە نەکراوە. لە ئێستادا نایەکسانی زیاتر قوڵتر بووەتەوە. پاکێجەکە بڕگەی نادەستووری تێدایە. سکاڵاکان لەسەر گۆڕانکارییەکانی پێشوو چارەسەر نەکراون. هەستی دادپەروەری جارێکی تر کراوەتە قوربانی حیسابی سیاسی. دەرفەتەکانی چارەسەری دیموکراتیک، ئاشتی کۆمەڵایەتی و یەکسانی یاسایی لەبەرچاو نەگیراون."
دیلان کونت ئایان لە درێژەی قسەکانیدا وتی: "ویژدانی گشتی جارێکی دیکە لەو بارەوە نیگەرانە. گەل چاوەڕوانی ئەوەیان دەکرد کە ئەم پاکێجە ئازادکردنی بێ مەرج و دەرفەتی چارەسەر بۆ زیندانیانی نەخۆش بڕەخسێنێ. هەروەها گەل چاوەڕێی ئەوەیان دەکرد کە نایەکسانی یاسایی سەبارەت بە زیندانیانی دادوەری و سیاسی لە ٣١ی تەمووزی ٢٠٢٣دا کاری لەسەر بکرابا. هەروەها چاوەڕوان دەکرا یەکسانی بۆ زیندانیانی سیاسی بەبێ جیاکاری بێتە ئاراوە. بۆیە داوای سیستەمێکی یاسایی و دادپەروەرانە بۆ هەمووان دەکرد. لەگەڵ ئەوەشدا، ئەم چاوەڕوانیانە ئەو هیوایانە نین کە گەل دەست نیشانی کردووە.
لە پەیڕەوی ئامادەکراوی یاسای سزادان، پێشنیارێک بۆ لابردنی سزای هەتاهەتایی توند پێشکەش دەکەین. هەروەها داوای لابردنی ئەو بارودۆخە ناڕوون و هەرەمەکیان دەکەین کە مەترسییەکی جددی لەسەر سەلامەتی گشتی زیندانیانی نەخۆش دروست دەکات. هەروەها پێشنیار بۆ هەموارکردنەوەی ماددە نوێیەکان پێشکەش دەکەین.
پێش هەموو شتێک پێشنیار دەکەین کە یاسای یەکسانی ٣١ی تەمموز بە شێوەیەکی دادپەروەرانە و یاسایی، وەک بڕگەیەکی نوێ، بخرێتە ناو پاکێجەکەوە. پێشنیار دەکەین لە مادەی ١٦ی یاسای سزادان لاببرێت و لە شوێنیدا 'نەخۆشی سەختی هەیە' بۆ زیندانیانی نەخۆش جێگیر بکرێت. پێویستە کۆمیسیۆن و نوێنەرانی پارتی دەسەڵاتدار گوێ لە داخوازییەکانی گەل بۆ یەکسانی و دادپەروەری بگرن. وەک دەزانن ئەم گۆڕانکاریانە هەم لە کۆمیسیۆن و هەم لە کۆمیتەی گشتیی پەرلەماندا گۆڕانکاری بکەن.
ئێمە لە هەر کۆێیەک بین لە قۆناغی کۆمیسیۆن و لە کۆبوونەوەی گشتی، بەدەنگێک بەرز بەرەنگاری ئەم کەموکوڕی و نایەکسانییانە دەبینەوە. هەروەها بەردەوام دەبین لە پاراستنی ئاشتی کۆمەڵایەتی، دەوڵەتی یاسا و دادپەروەری و بەردەوامیدان بە پێکەوە ژیان."
