هێرشەکانی دەوڵەتی تورک بۆ سەر گەلی کوردستان لە شاری فرایبورگی ئەڵمانیا لەلایەن ناوەندی کۆمەڵگەی دیموکراتیکی کورد و نوێنەرانی دی لینکە و چەندین ڕێکخستنی چەپەوە ئیدانەکران.

لە چالاکییەکەى ئێوارەی دوێنێدا لە فرایبورگ هاوپت باهنهۆف وتە پێشکەشکران لە وتەکاندا باس لە هێرشە پاکتاوکارییەکانی دەوڵەتی تورک بۆ سەر گەلانی کوردستان و رایانگەیاند، گەلانی کوردستان لە دژی ئەو هێرشانە خۆیان ڕێکخستووە و لە هەر چوار پارچەی کوردستان بەرخۆدانی بێهاوتا نیشانداوە.

هەروەها لە وتەکانیاندا، هێرشەکانی دەوڵەتی ئەڵمانیایان بۆ سەر کوردان شەرمەزار کرد و داوایان لە دەوڵەتی ئەڵمانیا کرد واز لەو سیاسەتانە بهێنن.

لە چالاکییەکەدا بۆ کەمپەینی دەرهێنانی ناوی پەکەکە لە لیستی "رێکخستنە تیرۆریتسییەکاندا" واژۆ کۆکرایەوە.

ژ.ت