ئێوارەی دوێنێ بە پێشەنگایەتیی بزووتنەوەیی گەنجانی شۆڕشگێڕ و تەژەکە-ی سوید لە مەیدانی مێدبۆریاپلاتسینی ستۆکهۆڵم، هێرشە داگیرکارییەکانی سەر کوردستان و هاوکارییەکانی پەدەکە لەگەڵ دەوڵەتی تورکی داگیرکەر ئیدانە کران.
ئێوارەی دوێنێ بە پێشەنگایەتیی بزووتنەوەیی گەنجانی شۆڕشگێڕ و تەژەکە-ی سوید لە مەیدانی مێدبۆریاپلاتسینی ستۆکهۆڵم، هێرشە داگیرکارییەکانی سەر کوردستان و هاوکارییەکانی پەدەکە لەگەڵ دەوڵەتی تورکی داگیرکەر ئیدانە کران.
لە گردبوونەوەکەدا ئاڵاکانی پەکەکە و وێنەکانی ڕێبەری گەلی کورد عەبدوڵا ئۆجالان بەرزکرابوونەوە و جەماوەر بە بێ ڕاوەستان دروشمەکانی "پەکەکە گەلە، گەل لێرەیە" یان دەوتەوە.
لە وتەکاندا ڕاگەیاندرا، پێویستە کورد لە هەموو شوێنێک ڕأپەڕێت و چالاکیەکانی بەهێزتر بکات. داواشیان لە وڵاتانی ئەورووپی کرا، کە بێدەنگییەکەیان بشکێنن.
هەروەها داوا لە پەدەکە کرا و وتیان: "با پەدەکە وەک حزبێکی دەوڵەتی تورک هەڵسوکەوت نەکات، نابێت لە کاتێکی ئاوادا نەکەوێتە ناو یارییەکانی دەوڵەتی تورکەوە. ئەگەر دۆڕانێک، یان زیانێک هەبێت ئەوا خودی ئەو دۆڕان و زیانە هەر پەدەکەیە".
لە وتەکاندا سڵاو لە بەرخۆدانی بێهاوتای گەریلا کرا.
لە چالاکییەکەدا چەندین لافیتە، کە لەسەریان نووسرابوو" ئەردۆغانی بکوژ، دەستتت لە خوێنی کوردان هەڵگرە"، "بمرێ خیانەت" و "بژی بەرخۆدانی گەریلا" دەوترانەوە.
هەروەها لە شارەکانی ئۆپسالا و ڤێستیرۆس دا بۆ هەمان مەبەست چالاکی ئەنجامدرا و هێرشەکانی دەوڵەتی فاشیست و بکوژی تورک شەرمەزارکرا.
ژ.ت
