ناوەندی ڕاگەیاندنی هەسەدە بە ڕاگەیاندراوێکی نوسراو، شەهیدبوونی شەڕڤانێکی لە خاڵە سەربازییەکانی بەهۆی نەخۆشی دڵەوە ئاشکرا کرد.

لە ڕاگەیاندراوەکەدا هاتووە: "شەڕڤانانی هێزەکانمان، هێزەکانی سوریای دیموکراتیک، بەردەوامن لە خەباتی بەگژاچوونەوەی چەتە تیرۆریستەکانی داعش و بەرپەرچدانەوەی هێرشەکانی داگیرکەری تورک بۆ سەر هەرێمەکانی باکور و ڕۆژهەڵاتی سوریا، لەڕێگەی تێکدانی حەشارگەکانی داعش و هەڵوەشاندنەوەی شانەکانی و ناچالاککردنیان".

هەروەها ڕایدەگەیەنێت "هێزەکانمان بەشێوەیەکی سەرەکی پشت دەبەستێت بە توانا و لەخۆبوردوویی شەڕڤانەکان لە خەبات و بەردەوامیدان بە پاراستنی ئاسایش و سەقامگیری هەرێمەکانمان. لە خاڵێکی سەربازیماندا، هاوڕێی شەڕڤانمان (ماجد/عەبدولمەجید ئەحمەد ئەسعەد)، بەهۆی نەخۆشی توندی دڵەوە شەهیدبوو".

هەسەدە ڕایگەیاند: "سەرەخۆشی لە بنەماڵەی شەهید و هەموو بنەماڵەی شەهیدەکانمان دەکەین، بەڵێن دووپات دەکەینەوە بۆ درێژەدان بە ڕێگەکەیان تا بەدیهاتنی خەونەکانیان بۆ وڵاتێکی ئارام و سەقامگیر".

ناسنامەی شەهید بەم جۆرەیە:

ناسناو: ماجد

ناو و پاشناو: عەبدولمەجید ئەحمەد ئەسعەد

ناوی دایک: رەفعە

ناوی باوک:ئەحمەد

الاسم الحركي: ماجد

شوێن و کاتی لەدایکبوون: ئوم مەدفەع/ ١٩٩٥

شوێن و کاتی شەهیدبوون: حەسەکە/ ٢٤ حوزەیرانی ٢٠٢٣.