ڕێپێوانێک لە شاری میلانی ئیتالیا بۆ شەرمەزارکردنی پیلانگێڕیی ١٥ی شوبات ڕێکخرا و هەزاران کورد و دۆستە ئیتالیەکانیان  بەشداریان تیادا کرد.

لەسەر بانگهێشتی کۆمیتەی کوردستان نوێنەری چەندین ڕێکخراوی کۆمەڵگەی مەدەنی و هەزاران کورد و ئیتالی بەشداری ڕێپێوانەکە بوون.

نوێنەرانی رێکخراوەکانی میلانۆ سۆودانی، وتەبێژی کۆمەڵەی کۆمەڵایەتی میلان، نی ئونا مێنۆس میلانۆ، ڕیفۆندازیۆن کۆمۆنیستا سینیستا ئیتاڵیانا، لامبیتا، کانتیرە، ئێف ئێف ئێف و کوب لە ڕێپێوانەکەدا ئامادە بوون و وتەیان پێشکەشکرد.

ئەوانەى وتەیان پێشکەشکرد، پیلانگێڕییەیان شەرمەزارکرد و داوایان کرد گۆشەگیریی سەر ڕێبەری گەلی کورد عەبدوڵا ئۆجالان هەڵبگیرێت و ئازاد بکرێت.

لە ڕێپێوانەکەدا، وێنەیەکی گەورەی عەبدوڵا ئۆجالان و ئاڵاکانی پەکەکە و کەجەکە بەرزکرابوونەوە.

لە چالاکییەکەدا دروشمەکانی "بژی سەرۆک ئاپۆ" و "بێ سەرۆک ژیان نییە" دەوترانەوە.

ژ.ت