هێزەکانی ڕزگاری عەفرین لە ٣هەمین ساڵی داگیرکردنی عەفریندا لە دژی داگیرکەران زنجیرە چالاکییان ئەنجامدا. لەئەنجامی ئەو چالاکییانەدا ٢ سەربازی تورک و٣ چەتە کوژران. هەروەها ڕایانگەیاند، شەڕڤانێکیان بە ناوی ڕووکەن زەردەشت شەهید بووە.
هێزەكانی ڕزگاركردنی عەفرین ڕایدەگەیەنێت: لە ساڵیادی داگیركردنی عەفریندا، پێنج سەرباز و چەتەی دەوڵەتی توركیان كوشتون.
هێزەكانی ڕزگاركردنی عەفرین، لە ساڵیادی داگیركردنی عەفریندا، بەیاننامەیەكی بڵاو كردەوە و تێیدا ڕایگەیاندوە: لەو ساڵیادەدا، چەند چالاكییەكیان لە دژی سوپای توركی داگیركەر و چەتەكانی ئەنجام دا.
بەپێی بەییاننامەكەی هێزەكانی ڕزگاركردنی عەفرین، لەو چالاكییە سەربازییانەدا كە لە چەند ڕۆژی ڕابردوودا لە عەفرین ئەنجامیان داون، دوو سەربازی دەوڵەتی توركی داگیركەر و سێ چەتەی كوژراون.
ئاماژەی بەوەیش كردوە: هەر لەو چالاكییانەدا، پێنج چەتە بریندار بوون و چەند ئۆتۆمبێلێكی سەربازیشیان تێكشكاندون.
لە بەردەوامی ڕاگەیەنراوەکەدا هێزەکانی ڕزگاری عەفرین ڕایانگەیاند کە لەم چالاکییانەدا هەڤالێکی ئەوان بە ناوی ڕووکەن زەردەشت شەهید بووە.
ناسنامەی شەهید بەم شیوەیە:
نازناو: ڕووکەن زەردەشت
ناو و پاشناو: گولیستان زوهەیر ئیبراهیم
ناوی دایک: حەسنا
ناوی باوک: زوهەیر
شوێنی لەدایک بوون: شێراوا- عەفرین
شوێن و ڕێکەوتی شەهید بوون: ١٧ی ئاداری ٢٠٢١/ عەفرین.
لە کۆتایی ڕاگەیەنراوەکەدا هاتووە، " ئێمە لەشەخسی هەڤال رووکەن زەردەشت هەموو شەهیدانی خۆمان بە رێزەوە یاد دەکەینەوە و سەرخۆشی لە بنەماڵەی شەهید و گەلی وڵاتباریز دەکەین. بەڵێن دەدەین کە هیوای شەهیدان لە ئازادی کوردستانە بهێنینە دی."
ک-ش
