پارتی چەپی سەوز لە چوارچێوەی چالاکییەکانی هەڵبژاردن لە ئەزمیر، نووسینگەیەکی هەڵبژاردنی لە گەڕەکی گۆلچوکی سەر بە شارۆچکەی مەنەمەن.

هاووتەبێژی پارتی چەپی سەوز چیدەم کلچگون ئۆچار و نوێنەری هەدەپە ساروهان ئولوچ بەشداری کردنەوەی نووسینگەکە بوون جەماوەر بە چەپڵە و هەلهەلە پێشوازی لێ کردن و درووشمیان دەگوتەوە: «بە بەرخۆدان سەردەکەوین» و «ژن، ژیان، ئازادی» و «بژی ڕێبەر ئاپۆ».

گەڕەک و نووسینگەکە بە ئاڵای پارتی چەپی سەوز ڕازێنرایەوە، گەل بەبایەخەوە دەیڕوانییە نووسینگەکە، هاوسەرۆکی هەدەپە لە ئەزمیر، بێرنا چەلیک سڵاوی لە گەل کرد و دووپاتی کردەوە، لە ١٤ ـی ئایار بە بەزاندنی فاشیزم، مێژوو دەنووسنەوە.

پێکەوە سەردەکەوین

هەروەها نوێنەری هەدەپە ساروهان ئولوچ گوتی: «لە ١٤ ـی ئایار، ڕوودەکەینە سندووقەکانی هەڵبژاردن و مۆر لە پارتی چەپی سەوز دەدەین و پێکەوە سەردەکەوین، ئەم هەڵبژاردنە، هەڵبژاردنی بەدیهێنانی دیموکراسی و دادپەروەری و ئازادییە، ڕژێمی پیاوسالای دەبەزێنین».

ئولوچ بانگەوازی کرد بۆ پاراستنی سندووقەکان و گوتی: «ڕێگە بە هیچ ساختەکارییەک نادەین».

لای خۆیەوە، هاووتەبێژی پارتی چەپی سەوز، چیدەم کلچگون ئۆچار جەختی کردەوە، پارتەکەیان دەبێتە سیمای سەدەی نوێ.

هەروەها ئۆچار ئاماژەی بەوە کرد، تێکۆشانی ژن مەزنترین دینامیکە و گوتی: «لەڕێگەی درووشمی «ژن، ژیان، ئازادی» هەموو جیهان ئاشنا بووە بە تێکۆشانی ژنانی کورد. بەم فەلسەفەیە و بە هەوڵ و خەندەی دەنیز پۆریاز چالاکییەکان لە شەقامەکانی ئەزمیر درێژە پێ دەدەین. ئەرکمانە ئەم درووشمە فراوانتر بکەین. لە ١٤ ـی ئایار سەردەکەوین».

پاش وتەکان، نووسینگەکە بە جۆشوخرۆشێکی مەزنەوە کرایەوە.

ف.ق