کۆمیتەی چالاکییەکانی فەڵەستین بۆ شەرمەزارکردنی ڕژێمی ئاکەپە و هاوکارییەکانی لە ناردنی نەوت بۆ دەوڵەتی ئیسرائیل کە گەلی فەڵەستین لە غەززە بە زیندوویی دەسووتێنێت، لە ئیستەنبوڵ ڕێپێوانێکی ئەنجامدا.
کۆمیتەی چالاکییەکانی فەڵەستین ناردنی نەوتی لە تورکیاوە بۆ دەوڵەتی ئیسرائیل کە پێداگرە لەسەر هێرشی قڕکردن بۆ سەر فەڵەستین و لوبنان، لە ئیستەنبوڵ شەرمەزار کرد. کۆمیتەکە لە تونێلی تەقسیمەوە تا گۆڕەپانی شیشخانە ڕێپێوانیان کرد و پەیامیاندا: "ئیسرائیلی قڕکەر و هاوکارانی، باجی تاوانەکانیان دەدەن".
لە ڕێپێوانەکەدا پانکارتی "هێرشی زایۆنیستەکان ڕابگرن. ناردنی ئەو نەوتە ڕابگرن کە غەززە دەسووتێنێت" هەڵگیرا و درووشمی "بکوژ ئیسرائیل، هاوکاری ئاکەپە" بەرزکرایەوە.
لەسەر ناوی کۆمیتەکە گۆزدە ئەکجی تیشکی خستەسەر هێرش و خوێنڕێژییەکان لە فەڵەستین، جەختی کردەوە ناردنی نەوت لە تورکیاوە بەرەو ئیسرائیل و سوپاکەی بەردەوامە، گوتی: "ئەم هاوکارییە ستراتیژییانە لەگەڵ ئیسرائیلی قڕکەر، مردن بۆ گەلی فەڵەستین و هەرێمەکە دەهێنێت. تا پچڕانی ئەم پەیوەندییە، ئێمە وەک دۆستانی گەلی فەڵەستین لە شەقامەکان دەبین و دەست لە داخوازییەکانی گەلی فەڵەستین هەڵناگرین".
