کتێبەکانی عەبدوڵا ئۆجالان رێبەری گەلی کورد و ساکینە جانسز یەکێک لە دامەزرێنەرانی پەکەکە، کە لە ٩ی کانوونی دووەمی ٢٠١٣ لە پاریس تیرۆرکرا، لە پێشانگای کتێبی ئیکوادۆر بۆ خوێنەران نمایش کراون. نەورۆزیش لە پێشانگاکە پیرۆز کرا.
هەموو ساڵێک وەک کولتورێکی دێرین لە شاری کیتۆی پایتەختی ئیکوادۆر پێشانگایەکی گەورەی کتێب دەکرێتەوە. ئەمساڵ لەو پێشانگایەدا کتێبەکانی عەبدوڵا ئۆجالان رێبەری گەلی کورد و ساکینە جانسز (سارا) یەکێک لە دامەزرێنەرانی پەکەکە بۆ خوێنەرانی نمایش کراون.
پێشانگاکە هەموو ساڵێک بۆ ماوەی ٣ رۆژ و بە بەشداریی ١٠ دەزگای چاپ و پەخشی کتێب بەڕێودەچێت، ئەمساڵ پێشانگاکە بەهۆی باران بارینی زۆری بەهارەوە لە ناوەندی رۆشنبیریی ئیل ئوتیرۆ بەڕێوەدەچێت.
نووسەران بەشداری پێشانگاکە دەبن و بۆچوونی خۆیان بۆ میوانان و ئامادەبوان دەخەنەڕوو، بەڵام بەهۆی پەتای کۆرۆناوە سیمینار و پانێل رێکناخرێت.
٣ ساڵە کتێبەکانی عەبدوڵا ئۆجالان رێبەری گەلی کورد نمایش دەکرێن
ئەمساڵ کتێبەکانی عەبدوڵا ئۆجالان رێبەری گەلی کورد و ساکینە جانسز لە پێشانگای شاری کیتۆی پایتەختی ئیکوادۆر بە خوێنەران گەیشت.
لە ناوەندی رۆشنبیریی ئیل ئوتیرۆ، کە پێشانگای کتێبەکەى تیادا بەڕێوەدەچێت، بۆ ئیدانەکردنی گۆشەگیریی سەر عەبدوڵا ئۆجالان رێبەری گەلی کورد و داوای ئازادیی جەستەییان، پۆستەر و لافیتە هەڵواسراون.
هەروەها هاوکات بە بەبۆنەی هاتنی نەورۆزەوە، لە گۆڕەپانی رۆشنبیریی کیتۆ ئاگری نەورۆز کرایەوە و گۆڤەند و شایی گێڕدرا و نەورۆز پیرۆز کرا.
ژ.ت
