لە بەریتانیا یەکەم ئاهەنگی نەورۆزی ئەمساڵ بە بەشداریی کوردستانیان و دۆستەکانیان لە هۆڵی میلفۆرد بە پێشەنگایەتیی ئەنجوومەنی گەلی کورد لە شاری لیدز بەڕێوەچوو.

کوردستانیان بەجل و بەرگی نەتەوەیی خۆیان بەشدارییان لەو ئاهەنگەی جەژنی نەورۆزدا کردبوو. ئاڵاکانی یەپەگە، یەپەژە، کۆنگرەی ستار و وێنەکانی ڕێبەری گەلی کورد عەبدوڵا ئۆجالان هەڵواسرابوون.

ئاهەنگەکە بە خولەکێک ڕێزگرتن بۆ یادی شەهیدانی شۆڕشی کوردستان دەستیپێکرد و دروشمەکانی "بژی نەورۆز"، "بژی سەرۆک ئاپۆ"، "ئازادی بۆ ڕێبەر ئاپۆ" و "بژی ڕۆژئاوا" دەوترانەوە.

لە ئاهەنگەکەدا وتە لەسەر گرنگیی ڕۆژەکە پیشکەشکرا و لە وتەکاندا راگەیاندرابوو: پێویستە گەلی کورد بە تەواوی لە دژی فاشیزمی ئاکەپە - مەهەپە تێبکۆشێت و ڕاشیانگەیاند، پێویستە بۆ ئازادیی جەستەیی ڕێبەری گەلی کورد عەبدوڵا ئۆجالان تێکۆشان لە نەورۆزی ٢٠٢٢دا زیاتر بکرێت.

لە ئاهەنگەکەدا هونەرمەندان چوونە سەر تەختەى شانۆ و گۆرانییان لەسەر بزووتنەوەی ڕزگاریخوازی گەلی کورد چڕی. جەماوەریش بە دەم گۆرانییەکانەوە گۆڤەندیان گێڕا و هەڵپەڕکێیان کرد و ئاهەنگەکە بە گۆڤەند و شایی و هەڵپەڕکێ کۆتایی پێهات.

ژ.ت