بەگوێرەی ئەو زانیارییانە لە سەرچاوە هەرێمییەکانەوە دەست کەوتووە، دەوڵەتی تورک لە شیشەمزین و خورەکانە سەیدا و خورەکانە تەمۆ لە هەرێمی دۆڵی دیریان و کوێستان و دۆڵەکانی گوندەکانی موشان و مەمکاڤا و ئێلڤەر، ئۆپەراسیۆنی سەربازی دەست پێ کردووە.

چەندین کوێستان گەمارۆدراون و لە هەرێمەکە خاڵی پشکنین دانراون.

بەپێی زانیارییەکان، چەند کەسێکی دەمامکدار لە دەوروبەری گوندەکە دەگەڕێن.

هەروەها ئاشکرا بووە، لە کوێستانەکانی مێراناڤا، ئاستەنگە ڕەش، مەیدانۆک و کانی بەرکیری کە دەکەوێتە نێوان گوندەکانی شیشمەزین و خورەکان، دەنگی تەقە بیستراوە.

لە گۆڕەپانی کوڕە ئۆنجە لە گوندەکانی مەمکاڤا دەنگی تەقینەوە و تەقە بیستراوە.

سەرچاوە هەرێمییەکان ڕایانگەیاندووە، لە هەرێمەکەدا جووڵەی هەلیکۆپتەر و فڕۆکەی بێ فڕۆکەوان هەیە.