لە ڕاگەیەندراوێكدا، شانه‌ی ڕاگه‌یاندنی ئەمنی عێراق بڵاویكرده‌وه‌، بە پشتبەستن بە زانیاریی هه‌واڵگریی ورد له‌ ده‌زگای هه‌واڵگریی نیشتمانی عێراق و به‌ هه‌ماهه‌نگی له‌گه‌ڵ شانه‌ی به‌ئامانجكردنی فه‌رمانده‌یی ئۆپه‌راسیۆنه‌ هاوبه‌شه‌كان، هێزی ئاسمانیی دوو هێرشی  لە سنووری پارێزگای دیالە ئه‌نجامدا.

وەك لە ڕاگەیەندراوەكەدا هاتووە: له‌ ئه‌نجامی بۆردوومانه‌كه‌ سێ چەتەی داعش كوژران و یه‌كێكی دیكه‌ش برینداربووە، هه‌روه‌ها تونێلێكیش له‌ ناوچه‌ی زه‌رلوك له‌ چیای حه‌مرین له‌ چوارچێوه‌ی كه‌رتی ئۆپه‌راسیۆنه‌كانی دیاله‌ خاپور كرا.

شانەی ئەمنی جەختدەكاتەوە، هێزه‌ ئه‌منییه‌كان بڕیاریانداوه‌ به‌رده‌وام بن له‌ ئۆپه‌راسیۆنه‌ تایبه‌ت و پێشوه‌خته‌ییه‌كانیان دژی ئه‌و شانه‌ تیرۆریستییانه‌ی كه‌ له‌ شاخ و بیابان و هه‌ر شوێنێكدا ماونه‌ته‌وه‌ و خۆیان حه‌شارداوه.

ئەنجامدانی ئەو ئۆپەراسیۆنە ئاسمانییە لە كاتێكدایە، هەفتەی ڕابردوو داعش لە گوندی ئیسلاحی شارەدێی جەلەولا و لە نزیك شارەدێی تازەخورماتوو، داعش هێرشی ئەنجامدا و لە هەردوو هێرەكەدا ١٢هاوڵاتی و سەربازێكی سوپای عێراق كوژران.

ف.ق