بە گوێرەی زانیارییەکان، هێزەکانی سەر بە دەوڵەتی تورک، لە شاری جۆلەمێرگ بە شێوەی ھاوکات، ھەڵیانکوتاوەتە سەر زۆرێک لە ماڵان.

لەو چوارچێوەیەدا ١٠کەس بە پاساوی "پڕوپاگەندە بۆ ڕێکخراوی تیرۆریستی" و "ئەندامبوون لە ڕێکخراوی تیرۆریستی" کە تاوانی سیاسی سیستماتیک و ھەڕەمەکیە، دەستگیرکراون.

ناوی ئەو کەسانەی کە دەستبەسەر کراون بەم شێوەیەن: بوراک ئەجەر، شوکران ئۆزەک، زوبەیر ئەکگوڵ، ساڵح یاکن، عارف دوومان، جەوھەر ئەرباش، ڕۆژهات سافالی، عەبدوڵا فرتنە، محەمەد دەمیر و عۆمەر مەتێ.

ھاوکات لە شاری ئانتالیاش، پۆلیس سەرلەبەیانی هەڵیکوتایە سەر ماڵان و ٢ کەسیان دەستگیرکردوە، کە ناوەکانیان ئاشکرا نەکراوە و هۆکاری دەستگیرکردنیشیان نەزانراوە و بۆ بەڕێوەبەرایەتی پۆلیسی شارەکە گواستراونەتەوە.

ژ.ن