ئێوارەی دوێنێ یەکشەمە یادی چلەی شەهید ڕێزان لە ماڵی گەل لە شاری لەندەنی پایتەختی بەریتانیا کرایەوە.

دەستپێکی یادەکە بە خولەکێک بێدەنگی بۆ یادی شەهیدانی ئازادی و کوردستان و هەروەها لە ڕێگای نمایشکردنی سینە ڤیزێۆنێک  "چیرۆکی ژیانی فەرماندەی شەهید " هەڤال ڕێزان نیشانی ئامادەبوان درا .

دواتر پەیامی کۆمیتەی "پەژاک" لە لایەن ئەیوب جوانڕۆییەوە خوێندرایەوە، وێڕای بە خێرهاتنی ئامەدبوان و  پرسەو سەرەخۆشی ئاراستەی بنەماڵەی تێکۆشەری کوردستان ڕێزان جاوید کرد.

لە پەیامەکەی پەژاکدا تیشک خرایەسەر تێکۆشانی هەڤاڵ جاوید لە منداڵیەوە تاوەکو گەورە بوون، هەروەها سیاسەتی کۆماری ئیسلامی ئیران لەسەر گەلی کورد و گەلانی ناوچەکە شەڕمەزارکرا.

لەبەردەوامی یادەکەدا، پەیامی مەجلیسی گەل لە شاری لەندەن لەلایەن ئەرجان ئیقبال، بۆ یادی فەرماندە جاوید خوێنرایەوە، وێرای پرسەو خۆشی بۆ دۆست و  هەڤال و هاوسەنگەرانی شەهید جاوید، هەروەها بە ناوی مالی گەل لە شاری لەندەن، سلاوی تایبەتی نارد بۆ دایکی شەهید ڕێزان جاوید .

لە بەردەوامی یادەکە پەیامی جیاواز لەلایەن کۆمسیۆنی کەجەدەکەی باشور لە لەندەن و کۆدار خوێندرانەوە. دواتر شوان ئاوارە گۆرانییەکی تایبەتی بۆ شەهید جاوید وت .

بەدروشمەکانی شەهید نامرێ، شەهیدان روناکی رێگامانن، بژی بەرخۆدانی گەریلا، بژی رێبەر ئاپۆ مەراسیمەکە کۆتایی پێهات.

ژ.ت