بە پێشەنگایەتیی ناوەندی کۆمەڵگەى دیموکراتیکی کورد و ئەنجوومەنی ژنانی رۆناهی – بێریڤان لە گۆڕەپانی میس پلاتزی شاری مانهایم بە رێکخستنی ئاهەنگێک ئاگری نەورۆز پیرۆز کرا.

پیرۆزکردنی نەورۆز لە کەسایەتیی مەعسوم کۆرکماز فەرماندەی ئارتەشی رزگاریی گەلی کوردستان (ئارگەکە) و بۆ یادکردنەوەى شەهیدانی شۆڕش بە خولەکێک رێزگرتن دەستیپێکرد.

سەدان کەس بەشداری چالاکیی پیرزبایکردنی نەورۆز بوون و ئاگری نەورۆز لەلایەن بنەماڵەى شەهیدانەوە کرایەوە.

دوای ئەوە هاووڵاتییان دەستیان بە گێڕاندنی گۆڤەند و شایی و هەڵپەڕکێ کرد و لە پیرۆزباییەکەدا کۆما سینان، هۆزان هەژار و سەیدا پەرینچەک چوونە سەر تەختە و گۆرانییان چڕی.

سیاسەتمەداری کورد فەیسەڵ ساری یڵدز وتەیەکی پێشکەش کرد و گۆشەگیریی سەر عەبدوڵا ئۆجالان رێبەری گەلی کورد و هێرشەکانی سەر هەدەپەى ئیدانەکرد.

لە پیرۆزباییەکەدا چالاکوانان و ئەندامانی دی لینکە (حیزبی چەپی ئەڵمانیا)، حیزبی مارکسیست لنینیستی ئەڵمانیا (MLPD)، ADDK ، یەکێتیی هێزە یەکگرتووەکان، یەکێتیی هێزە دیموکراتیکەکانی مانهایم، بزووتنەوەى گۆڕان و  فیدراسیۆنی دیموکراتیکی عەلەوییەکانی ئەوروپا (فەدا – FEDA) بەشدار بوون و پەیامیان پێشکەشکرد.

چالاکیی ئاهەنگی نەورۆز دوای ٢ کاتژمێر بە گۆڤەند و هەڵپەڕکێ و وتنەوەى دروشم کۆتایی پێهات.

ژ.ت