جەماوەری گەل لە ناوەندی کۆمەڵگەى دیموکراتیکی کوردستان لە شاری لیماسۆلی قوبرس کۆبوونەوە و دوای خولەکێک رێزگرتن بۆ یادی شەهیدانی شۆڕشی کوردستان بەرەوە شارەوانیی لیماسۆل دەستیان بە رێپێوانکرد.

لە چالاکییەکەدا پۆستەرەکانی عەبدوڵا ئۆجالان رێبەری گەلی کورد، ئاڵاکانی پەکەکە، یەپەگە، یەپەژە، تەژەکە ئەوروپا بەرزکرابوونەوە و دروشمەکانی "بمرێ نۆکەری"، "تیرۆریست ئەردۆغان" ، "بکوژ دەوڵەتی تورکە" ، "بژی بەرخودانی گارە"  و "بژی سەرۆک ئاپۆ" وترانەوە.

دوای رێپێوانەکە لەزگین سەرحەد سیاسەتمەداری کورد لە چالاکییەکەدا وتەیەکی پێشکەشکرد و رایگەیاند، ئامانجی دەوڵەتى تورک لە هێرشەکانی بۆ ئەوەیە گەلی کورد لە رەگەوە هەڵبکەنێت و لە عەفرینەوە تاوەکو شەنگال و هەموو کوردستان داگیر بکات.

لەزگین سەربەست سەرنجی خستەسەر بەرخودانی گەریلا لە دژی داگیرکەری و وتی، "گەلی کورد و دۆستەکانی پشتیوانی لە بەرخودانی مێژوویی گەریلا دەکەن".

چالاکییەکە بە وتنەوەى دروشم کۆتایی پێهات.

ژ.ت