بە پێشەنگایەتی ناوەندی کۆمەڵگەی دیموکراتیکی کورد بە درووشمی "نەورۆزی کۆمەڵگەی دیموکراتیک بۆ ئازادیی کوردستان" لە شاری تۆرۆنتۆی کەنەدا نەورۆز پیرۆزکرا.

هۆڵەکە بە وێنەی ڕێبەر ئاپۆ و پێشەنگانی گەلی کوردستان و تەڤگەری ئازادی ژنان ڕازێنرایەوە.

لە ئاهەنگەکەدا وتەکانی ڕێبەر ئاپۆ دەربارەی نەورۆز پیشاندرا و درووشمی "بژی سەرۆک ئاپۆ" و "بێ سەرۆک ژیان نابێ" و "ژن ژیان ئازادی" و "بژی بەرخۆدانی گەریلا" دەنگی دایەوە.

سیاسەتمەدار فەلەکناز ئوجا گوتی: "لە هەرکوێی جیهان بن، لەدەوری ڕێبەرێتی یەکبگرن و بەرەو سەرکەوتن هەنگاوبنێن". هۆشیار ئۆزسۆی گوتی: "ئێمە باوەڕمان بە گەلەکەمان و ڕێکخراوەکەمان و ڕێبەرەکەمان دەکەین. ئەوانەی حیساب بۆ کوردان بکەن سەردەکەون، ئەوانەی حیساب بۆ کورد نەکەن، مەحکومن بە شکست".

پەرلەمانتارانی کەنەدا نەورۆزیان لە گەلی کورد پیرۆز کرد و دووپاتیان کردەوە، یەکگرتنی گەلان ستەم و زۆرداری تێکدەشکێنێت و یەکێتی گەلان سەردەکەوێت.

ئاهەنگەکە بە گۆرانی و هەڵپەڕکێ کۆتایی هات.