لە ناوچەى ئیڤریی پاریس هەڵکوتانی هێزە ئەمنییەکانی دەوڵەتی فەرەنسا بۆ سەر کوردان لە پاریس، مارسیلیا و دراگونیگان ئیدانە کرا.

لە مارسیلیا لە هەڵکوتانە سەر ماڵان و ناوەندی کۆمەڵگەى دیموکراتیکی کورد دا ٩ کەس دەستگیرکران. لە ناوچەى درانسیی پاریس کەسێک و لە دراگونیگانیش ٢ کەس دەستگیرکران.

ناوەندی کۆمەڵگەى دیموکراتیکی کورد لە ئیڤری لە دژی ئەو هەڵکوتانانە و دستگیرکردنەکان، لە بەردەم پارێزگاری ئیڤری دا چالاکیی ناڕەزایەتیی رێکخست.

لەوەند یڵدز لە چالاکییەکەدا بە ناوی ئەنجوومەنی ئیڤری وتەیەکی پێشکەشکرد و وتی، "ئەو هەڵکوتانانە لە رووی سیاسییەوە ئەنجامدەدرێن و بە رێککەوت نییە. ئەو هەڵکوتانانە لە دوای چاوپێکەوتنی ئەم مانگەى نێوان رەجەب تەیب ئەردۆغان سەرۆک کۆماری تورک و ئیمانوئیل ماکرۆن سەرۆک کۆماری فەرەنسا روویاندا".

یڵدز داوای لە هەموو کوردان، رێکخراوەکانی کۆمەڵگەى مەدەنی و لایەنە سیاسییەکان لە ئەوروپا کرد، کە کاردانەوە و ناڕەزایەتییان هەبێت لە دژی ئەو نادادییە، کە بەرامبەر کەسان و رێکخراوەکان و حیزبە کوردییەکان ئەنجام دەدرێن.

چالاکییەکە بە وتنەوەى دروشم کۆتایی پێهات.

ژ.ت