له‌مانگی شوباتدا ١٠٦ حاڵه‌تی گیان له‌ده‌ستدان له شوێنی كار تۆمار كراون
به‌پێی ئاماری ئه‌نجومه‌نی ئیسیگ له مانگی شوباتدا ١٠٦ حاڵه‌تی گیان له‌ده‌ستدا له كاتی كاركردن تۆمار كراون.
ئه‌نجومه‌نی ته‌ندروستی و ئاسایشی كرێكاران (ئیسیگ/ ÎSÎG) راپۆرتی تاوان و رووداوه‌كانی مردن له شوێنی كاركردنی بۆ مانگی شوبات بڵاوكرده‌وه. به‌پێی راپۆرته‌كه له مانگی شوباتدا لانیكه‌م ١٠٦ كرێكار به هۆی رووداوه‌كانی شوێنی كار و له كاتی كاركردندا گیانیان له‌ده‌ستداوه.
به‌پێی راپۆرته‌كه زۆر له بواره‌كانی بیناسازی و كشتوكاڵدا رووداوه‌كانی مردن له سه‌ر كار روویانداوه و ئه‌وه‌ش راگه‌یه‌نراوه" له مانگی شوباتدا ٩ كرێكاری په‌نابه‌ر ژیانیان له‌ده‌ستداوه. به‌ڵام به هۆی ئه‌وه‌ی زۆرینه‌ی كرێكارانی بیانی به قاچاخی و به‌شێوه‌ی نایاسایی كار ده‌كه‌ن، ئه‌و تاوان و رووداوانه ده‌شاردرێنه‌وه".
له راپۆرته‌كه‌دا ئه‌وه‌ش خراوه‌ته‌ڕوو، كه سێ منداڵی كرێكار ژیانیان له‌ده‌ستدا و باس له‌وه‌كراوه، "٣١ كرێكاریش كه ته‌مه‌نیان له سه‌رووی ٥١ ساڵه‌وه‌یه گیانیان له‌ده‌ستداوه. له تاوان و مردنه‌كانی شوێنی كاردا به گشتی ٨ ژن و ٩٨ پیاو ژیانیان له‌ده‌ستداوه".
له راپۆرته‌كه‌دا ئاماژه به‌وه‌شكراوه، كه له دوو مانگی سه‌ره‌تای ساڵی ٢٠٢٢دا لانیكه‌م ٢٢٥ كرێكار به هۆی تاوان و رووداوه‌كانی شوێنی كاره‌وه گیانیان له‌ده‌ستداوه.
هـ . ب
