فرانسیزکا سریر سکرتێری گشتی پارتی باستا کە پشتگیری لە هەڵمەتی دەرکردنی ناوی پەکەکە لە لیستی تیرۆر دەکات وتی، " بڕیارێکی هەڵە و ناحەقیە کە پەکەکە لە لیستی تیرۆردایە. ئەم راستیەم بینی و پشتگیریم لە کەمپەینەکە کرد."

ستیر کە لەنێو دەلەگاسیۆنی ئاشتیدا بوو کە دەلەگاسیۆنەکە لە حوزەیرانی ٢٠٢١دا سەردانی باشوری کوردستانی کردبوو وتی، " لەدژی دۆخی گێژاوی رۆژهەڵاتی ناوەڕاست، پەکەکە چەندین ساڵە تێکۆشانی ئاشتی و دیموکراسی دەکات. ئەو دەوڵەتانەی کە پەکەکە لە لیستی تیرۆردا دەهێڵنەوە، پێویستە هەڵوێستیان بەرانبەر لایەنەکان هاوشێوە بێت.
ستیر رایگەیاند، دەوڵەتی تورک لەبەرچاوی رای گشتی هەموو جیهان یاسای نێودەوڵەتی پێشێل دەکات و تاوانی دژی مرۆڤایەتی ئەنجام دەدات و بەم شێوەیە بەردەوامی بە قسەکانیدا، " لەبەرئەوەی دەوڵەتی تورک ئەندامی ناتۆیە، چاویان لەبەرانبەر تاوانەکان دەگرن. ئەمە هەڵە و هەڵوێستێکی هەڵەی سیاسیە و قبوڵ ناکرێت. دەوڵەتانی ئەوروپا بەهۆی پەیمانی چەک و بازرگانی لەگەڵ تورکا و فشاری کۆچبەران لە چوارچێوەی بەرژەوەندیەکانیاندا ئەم بڕیارە دەدەن. بڕیارێکی هەڵە و ناحەقیە کە پەکەکە لە لیستی تیرۆردا بێت. ئەم راستیەم بە چاوی خۆم بینی و پشتگیریم لە کەمپەینەکە کرد."

ستیر بەبیریهێنایەوە کە لە مانگی حوزەیراندا وەک شاندێکی ئاشتی هەوڵیانداوە بچن بۆ باشوری کوردستان بەڵام ئەڵمانیا ڕیگری کردووە، دەزگا کوردیەکان گۆشەگیر دەکرێن و وتی، " مایکڵ براندت پەرلەمانتاری پارتی چەپ و ئەندامی کۆنسەی ئەوروپا وێنەی چالاکی ساڵی ٢٠١٩ لە ستراسبۆرگ لەسەر حسابی خۆی لە تۆڕە کۆمەڵایەتیەکاندا بڵاوکردەوە. ئاڵا و پۆستەری قەدەغە لەو وێنەیەدا وەک بیانوو پیشاندرا و هەفتەی رابردوو بە بڕێک پارە سزادرا. پشتگیریکردن لە کورد بووەتە قەدەغەیەک. ئەو سزایە لە بنەڕەتدا خەڵاتێکە بۆ دەوڵەتی تورک."

ستیر رایگەیاند، ئاکەپە – ئەردۆغان بەردەوامی بە هێرشە قڕکەرەکانیان دەدەن. یاسای نێودەوڵەتی پێشێل دەکەن. پەکەکە لەدژی قڕکردن تێدەکۆشێت و وتی، " ئاشکرایە کە تێکۆشانێکی رەوایە. بۆیەش پێویستە پەکەکە لەنێو پێناسەی تیرۆری ئەوروپادا جێ نەگرێت. ئەوە کاریگەریەکی گەورە لەسەر ژیانی رۆژانەی کوردان دەکات."

ف.ق