بەهۆی شەهیدکردنی هاوسەرۆکی کانتۆنی قامیشلۆ یوسرا دەروێش و جێگرەکەی لێمان شوێش و فورات توما، کە بەهۆی هێرشی فڕۆکەی بێ‌فڕۆکەوانی داگیرکەری تورک لە ٢٠ ی حوزەیران لە قامیشلۆ شەهیدکران، لە ستۆکۆڵم چالاکییەکی ناڕەزایەتی بەرفراوان بەڕێوەچوو.  

چالاکییەکە لە گۆڕەپانمی سێرگلێس تۆرگێت بە سەرپەرشتی مەجلیسی ژنانی ئامارا بەڕێوەچوو. ئاڵای یەپەگە و یەپەژە و لافیتەکان بە دروشمی "دەستی خوێناویتان لەسەر کورد هەڵبگرن" بەرزکرایەوە.

ئاماژە بەوە کرا، ئەردۆگان و چەتەکانی تاوان دژی کورد ئەنجام دەدەن، گوتیان: "پێویستە هەموو ڕێکخراوە جیهانییەکان بێدەنگ نەبن بەرامبەر ئەم کردەوە دڕندانە و هەڵوێستیان هەبێت. دەوڵەتی تورک وەک داعش ژنان دەکاتە ئامانج. پێویستە دامەزراوە مرۆییەکان، بەتایبەت هێزەکانی هاوپەیمانی نێودەوڵەتی، ناوچەی دژە فڕین لە باکور و ڕۆژهەڵاتی سوریا بچەسپێنن".

چالاکییەکە نزیکەی کاتژمێرێک درێژەی کێشا و بە درووشمی "ژن، ژیان، ئازادی" و "ڕۆژئاوا بپارێزن" و "ئەردۆگان وەک داعشە" چالاکییەکە کۆتایی هات.