پارێزەرانی رێبەری گەلی کورد عەبدوڵا ئۆجالان بۆ ئەوەی بتوانن موەکیلەکەیان ببینن سەردانی داواکاری گشتیی کۆماری بورسا و بەڕێوەبەرایەتی زیندانی ئیمراڵییان کرد.

لە پارێزەرانی نوسینگەی یاسایی سەدە ئیبراهیم بیلمەز، جەنگیز یورەکلی، سوزان ئاکیپا و عمران ئەمەکچی داواکارییەکەیان خستەڕوو.

پارێزەران بە مەبەستی دیدار لەگڵ موەکیلانی دیکەیان لە ئیمراڵی؛ حامیلی یەڵدرم، عومەر خەیری کۆنار و وەیسی ئاکتاشیش هەمان داواکارییان بەرزکردەوە.

رێبەری گەلی کورد عەبدوڵا ئۆجالان لە ساڵی ١٩٩٩ەوە بە پیلانگێریی نێونەتەوەیی بەدیل گیرا و لە دوورگەی ئیمراڵی لە گۆشەگیریدایە و ماوەی ٤٣ مانگە گۆشەگیرییەکە بە شێوەی رەها ئەنجام دەدرێت.

بەم بڕیارەی کۆتاییەوە لە ماوەی ٨ ساڵدا بۆ ١٣هەمین جارە بڕیاری قەدەغەکردنی سەردانی( سزای دیسپلین)ی ٦ مانگی دانراوە، بۆیە داواکارییەکانی بنەماڵە و پاڕێزەران بە مەبەستی ئەنجامدانی دیدار یان بێ وەڵام دەهێڵدرێنەوە یان بە پاساوی بێ بنەما رەتدەکرێنەوە، یاخود دوای چەند مانگ بە بیانووی هەڕەمەکی و بێ بنەما لە ژێر ناوی سزای نایاسایی دیسپلین رێگری لەو دیدارانە دەکرێت. تائێستاش هۆکاری سەپاندنی سزای دیسپلین نازانرێت.