کورڎسانیۍ نیشتەیرەو وڵات و سوېسراې، چالاکیۍ نیشتەیرەېشا ڕێک ھوست و داواو ئازاڎې جەستەېې ڕابەرو گەل وکوردی عەبدوڵا ئۊجالانی مکەرانۍ. چالاکیەکە ماۋەو دوۍ ساڵان جە ناوچۋو پڵاس دیس نەیشن جە شارو جنێف وپایتەخت و وڵات و سوېسراې ۋەرو دەم و ڕێکوزېاو نەتەوە ېەکگرتوەکاڼە ملۊ ڕاۋە. چالاکیەکەنە یاڎو سەېد ڕەزاو ھام ڕاکاش کرېاۋە.

دماۋ ڕێز گێرتەې ، بە بۊنەو ئې ېاڎەېۊ دلێنەو گلێرگەې کوردی جە شآرو جنێف-ې ېاۋنەرۍ ڕۊچنامە وانی-ش بە زۋانې کوردې ئاماڎە کەردەبۍ، دەق و یاونەرەکەیچ بەڕێز وەیسەڵ داڵگیچ-ې ۋەناۋە.

جە چالاکیەکەنە موڵکیە ئاشربایەڤ وئەرداڵ ئاتاسۆی ھام سەرۊکۍ گلێرگەو دیموکراتیک و کوردی (جەدەکە)  قسێشا کەردێ. ئاشر باېەڤ جە قسەکاشەنە باسش جە ھجومە کۊمەڵ کوژې و پاکتاوکارېەکا دۆڵەت و تورکیەې پۍ سەرو گەل وکوردې و گۆشەگیرې سەرو ڕابەر ئاپۊې کەرڎ. بە ھۊ و بێدەنگیشاۋە  ڕێکوزیا میان نەتەۋەېەکێش ئیڎانە و شەرمەسار کەرڎۍ.

ھەر پاسە ئەرداڵ ئاتاسۊې داۋاش کەرڎ: ڕۊو دوەشەمەې 21 مانگەو تشرین و دوەمې جە شارو لۆزان و وڵات وسویسراې بەشڎارې جە کۊنفراڼس و ڕۊچنامەوانې بکەرا، کە بە بۊنەۋ ساڵۋەگەڕو 100 ساڵەو پەیمان و لۆزانې-ۋە سازکریۊنە.

ھامکات ئاتاسۆې داواش کەرڎ، بەشدارې بکریۆ جە ېاڎو٤٤ە-مین ساڵەو ئەنەمەرزېاۋ پەکەکەی، کە جە ڕۊ دېارو 19 مانگەۋ تشرینی دوەمې جە شارو لۆزانې ملۆ ڕاۋە.

چالاکیەکە بە واتەېۊ دروشمەکا دماېش پنە ئاما.

ف.ق