ئەندامانی تەڤگەری گەنجانی شۆڕشگێڕ (تەجەشە) لە چوارچێوەی هەڵمەتی "ئازادی بۆ ڕێبەر ئاپۆ، چارەسەری سیاسی بۆ پرسی کورد" لە بۆردیۆ چالاکیان ئەنجامدا. گەنجان ئاڵای ڕێبەر ئاپۆ و کەجەکە و تەجەشەیان بەرزکردەوە و گۆشەگیری سەر ڕێبەر ئاپۆیان شەرمەزار کرد.

گەنجان ئاسیا عەلی و ڕۆگەر هێلینیان بیرهێنایەوە کە ٢٣ ی تشرینی یەکەم لە توساش چالاکی فیداییان ئەنجامدا. درووشمی "بژی سەرۆک ئاپۆ" و "بژی بەرخۆدانی گەریلا" و "بژی بەرخۆدانی ڕۆژئاوا" بەرزکرایەوە.

گەنجان دووپاتیان کردەوە دەبێت بۆ ئازادی جەستەیی ڕێبەر ئاپۆ هەموو ڕۆژ و ساتێک لە گۆڕەپانەکان بن.

لەسەر ناوی تەجەشە هۆگر بۆتان ڕایگەیاند ئەوان بەرخۆدانی ڕێبەر ئاپۆ بەبنەما دەگرن، گوتی: "تا ئازادی جەستەیی ڕێبەر ئاپۆ، هەردەم لە گۆڕەپانەکان دەبین و تێکۆشان مەزن دەکەین".

هۆگر بانگەوازی کرد بۆ بەشداربوون لە ڕێپێوانی ١٦ ی تشرینی دووەم لە کۆڵن.

چالاکییەکە بە درووشمی "بێ سەرۆک ژیان نابێ" و "بژی سەرۆک ئاپۆ" کۆتایی هات.