وەزیری دەرەوەی سووریا گەیشتە سعودیە
ئاژانسی (سانا) ـی سووری ڕایگەیاند، فەیسەڵ میقداد وەزیری دەرەوە و کۆچبەرانی سووریا بە سەردانی کار گەیشتە شانشینی عەرەبی سعودیە، سەردانەکە لەسەر بانگهێشتی سعودیە بووە.
ئاژانسی (سانا) ڕایگەیاند، «گفتوگۆی دووقۆڵی دەکرێت سەبارەت بە پەیوەندییەکانی هەردوو وڵات و پرسە هاوبەشەکان».
ئاژانسی هەواڵی سعودی «واس» ئاماژەی بەوە کرد، میقداد سەردانی سعودیە دەکات بە مەبەستی گفتوگۆ دەربارەی هەوڵەکان لەپێناو گەیشتن بە چارەسەرێکی سیاسی بۆ قەیرانی سووریا، لەگەڵ پاراستنی یەکێتی و ئاسایش و سەقامگیریی وڵاتەکە.
هەروەک بەگوێرەی «واس»، گفتوگۆ دەکرێت سەبارەت بە ڕێخۆشکەریی بۆ گەیشتنی هاوکارییە مرۆییەکان بە ناوچە زیانبەرکەوتووەکانی سووریا.
ف.ق
