هه‌واڵی به‌په‌له‌: لە کاتێکی نزیکدا بانگەوازییەکی مێژوویی ڕێبەر ئاپۆ لە ANF بڵاودەکرێتەوە

یاشار گولەر بەرگری لەو هێرشانە دەکات کە سەرەڕای ئاگربەست بەردەوامن

یاشار گولەر سەبارەت بە پڕۆسەکە لێدوانێکی دا. گولەر چاوپۆشی لە هێرشەکانی سوپای تورکیا کرد کە سەرەڕای بڕیاری ئاگربەستی پەکەکە بەردەوامە و جەختی لەم قسەیەکە کردەوە: "دەبێت چەکەکانیان ڕادەست بکەن."

یاشار گولەر وەزیری بەرگری تورکیا لە ئەنقەرە بەشداری لە مەراسیمێکدا کرد و سەبارەت بە پرۆسەکە لێدوانێکی دا. یاشار گولەر سەبارەت بە بانگەوازی ڕێبەر ئاپۆ بۆ 'ئاشتی و کۆمەڵگەی دیموکراتیک'ی بە پرۆسەیەکی 'سەنگین' ناوی هێنا. یاشار گولەر چاوپۆشی لەو هێرشانەی دەوڵەتی تورک کرد کە سەرەڕای بڕیاری ئاگربەستی پەکەکە بەردەوامە و پەیوەست بە ئاگربەستی پەکەکە دەستەواژەی دووبارەبووەکەی: "دەبێت چەکەکانیان دانێن"ی دووبارە کردەوە.

لەلایەک هێرش، لە لایەک بانگەشەی خوشک-برایەتی

لە لایەک گولەر ئاماژەی دا کە بەردەوام دەبن لە شەڕەکە و لە لایەکی دیکەشەوە ئەم بانگەشەیەیی کرد: "بۆ بەهێزکردنی خوشک-برایەتی و یەکێتییمان هەوڵدەدەین. لە سەدساڵی دووەمی کۆمارماندا پێکەوە تورکیایەکی بەهێز درووست بکەین."