کۆمەڵەی ئۆڵدنبێرگ هەفتەی نوێی ئێشکگری ئازادی وەرگرت، کە پێش ١٢ ساڵ بۆ ئازادی ڕێبەری گەلی کورد عەبدوڵا ئۆجالان دەستی پێ کرد، چالاکوانان گوتیان "خاوەنداری لە ڕێبەرێتی، خاوەندارییە لە مرۆڤایەتی. تا دوا دڵۆپی خوێن لەپشتی ڕێبەرمان دەبین".
بە پێشەنگایەتی دەسپێشخەریی ئازادی بۆ عەبدوڵا ئۆجالان لە ٢٥ ی حوزەیرانی ٢٠١٢ ـەوە لە شاری ستراسبۆرگ بە ئامانجی ئازادی جەستەیی ڕێبەری گەلی کورد عەبدوڵا ئۆجالان و هەڵگرتنی گۆشەگیری، چالاکی "ئێشکگری ئازادی" ئەنجام دەدرێت.
ئێشکگرییەکە هەموو هەفتەیەک لەلایەن وڵاتپارێزانی کوردستان لە وڵاتانی جیاوازی ئەوروپاوە وەردەگیرێت. لە ٦٠٨ هەمین هەفتەدا، داداش کوتجو و دەلیل خینس و هەدیە خەلیل و ساریا زەردەشت لە شاری ئۆڵدنبێرگەوە چالاکییەکەیان وەرگرت.
وتەبێژی کۆمەڵەکە داداش کوتجو ڕایگەیاند ئەو "ڕۆژی ڕەش"ـە و هەموو هێزە پیلانگێڕەکان شەرمەزار دەکەین، گوتی: "ڕێبەرمان بۆ گەلی کورد و چارەسەری پرسی کورد چووە ئەوروپا. بەداخەوە دەوڵەتانی داگیرکەر _گوناهیان لە ئەستۆی خۆیان_ ڕێبەرمانیان ڕادەستی دەوڵەتی داگیرکەری تورک کرد".
داداش تیشکی خستەسەر گۆشەگیری توندی ئیمراڵی و هەوڵی دەوڵەتی داگیرکەری تورک بۆ پچڕاندنی پەیوەندی لەنێوان کوردان و ڕێبەرەکەیان، گوتی: "بە هێزە پیلانگێڕەکان دەڵێین، کەستان ناتوانن ڕێگە لە ڕێبەرێتی بگرن، فیکر و ڕامانەکانی لە دڵ و مێشکی هەمووماندایە. هەموو گەلانی بندەست و وڵاتپارێز چاوەڕێی فیکر و ڕامانەکانی وی دەکەن. ڕێبەرێتی لاپەڕەیەکی نوێی مێژووی کردەوە. سەراپای گەلەکەمان ڕوویکردە کۆڵن و لاپەڕەیەکی نوێی مێژوویی کردەوە. ئێمە دەزانین گەلی کورد خاوەنداری لە ڕێبەرەکەی دەکات، خاوەندارێتی لە ڕێبەرێتی واتا خاوەنداری لە مرۆڤایەتی، پاراستنی فیکر و چاند و زمانی کوردییە".
هەروەها ڕایگەیاند گەلی کورد لە مێژووی نزیکدا قازی محەمەد و شێخ سەعید و سەید ڕەزای نەپاراست بۆیە بێ ستاتۆ مایەوە، گوتی: "ئەمڕۆ یەکەمجارە گەلی کورد پشتگیری لە ڕێبەرەکەی دەکات. هەردەم لە شەڕدان. لەمڕۆش بەدواوە هەر ئەرکێک بۆ ڕێبەرمان بکەوێتە ئەستۆمان ئەنجامی دەدەین".
پاشان تێپەڕینی ١٢ ساڵی بەسەر ئێشکگری ئازادی پیرۆزکرد و داوای لە گەلی کورد کرد ڕووبکەنە ستراسبۆرگ و بڵێن هیچ هێزێک ناتوانێت دووچاری ژیانێکمان بکات بەبێ ڕێبەری گەلی کورد عەبدوڵا ئۆجالان.
کوتوجو گوتی: "تا دوا دڵۆپی خوێنمان لەپشتی ڕێبەرمان دەبین".
