سەرلەبەیانیى ئەمڕۆ هێزەکانى ئاسایشی حکومەتى باشووری کوردستان چوونە سەر ناوەندی تەڤگەری ئازادی و رێکخراوی ژنانى ئازادی کوردستان (رەژاک) و دەرگای ئەو دوو حیزب و رێکخراوەیان کڵۆم کرد.

هێزەکانى ئاسایش رایانگەیاند، فەرمانیان بۆ هاتووە، کە ئەو دوو ناوەندە کڵۆم بکەن.

ماوەیەک لەوە پێش گوشارەکانى حکومەتى باشووری کوردستان لەسەر تەڤگەری ئازادی زیادیان کردبوو و بڕیار درا ناوەند و بارەگاکانى تەڤگەری ئازادی دابخرێن.

لە دواى ئەو بڕیارە ناوەندەکانى تەڤگەری ئازادی لە کەلار، کفری، کۆیە، قەڵادزێ و رانییە داخران و تابلۆی تەڤگەری ئازادییان لەسەر بینای ناوەندی تەڤگەری ئازادی لە سلێمانى هێنابووە خوارەوە.

ر.م