تەرمی ئەو کەسانەى لە کاتى بەرخودانى خۆبەڕێوەبەریدا لە جزیری شرنەخ، کە لە ژێر زەمینەکانى جزیر دا شەهید کرابوون تاوەکو ئێستاش لەلایەن دەوڵەتەوە لە گۆڕستانی بێکەسەکاندا راگیراون و دەستیان بەسەردا گیراوە.

 خەزاڵ ئاسلان، کە لە ١٦ی شوباتی ٢٠١٦ / ٢٧ی رێبەندان دا شەهید بوو، دواى پشکنینی دی ئێن ئەی و لە داوى ٤٠ مانگ تەرمەکەى رادەستى بنەماڵەکەى کرایەوە.

بنەماڵەى خەزاڵ ئاسلان، تەرمەکەى خەزاڵ-یان لە گۆڕستانى بێکەسانى رحا بردەوە بۆ وان و لە گۆڕستانی گەڕەکی یەنیی ئارتەمێنتی وان بە خاکیان سپارد.

پۆلیسەکانى تورک لە کاتى بەخاکسپاردنى تەرمەکەى خەزاڵ ئاسلان دا رێگایان نەدا هیچ کەسێک جگە لە چەند کەسێکى بنەماڵەکەى بڕۆنە گۆڕستانەکە و بەشداری لە بە خاکسپاردنەکەدا بکەن. دواى بەڕێوەبردنى کاروباری ئایینى بۆ بەخاکسپاردنى تەرمەکە، تەرمەکە بە خاکسپێردرا.

ر.م