ئایشە ئاجار باشاران ئەندام پەرلەمانی هەدەپە کە هاوکات وتەبێژی لیژنەی یاسا و مافی مرۆڤی هەدەپەیە، لە بارەی بڕیاری ئازادکردن و دووبارە دەستگیرکردنەوەی عوسمان کاڤالای کارساز، لێدوانێکی بڵاو کردەوە.

باشاران لە لێدوانەکەدا رایگەیاند، ئەوان دەزانن ئەم دەسەڵاتە دادوەرییە کە پڕە لە رق و کینە، پێشتریش بڕیاری ئازادکردنی سەڵاحەتین دەمیرتاشی دابوو، بەڵام دواتر دووبارە بڕیاری زیندانی بەسەردا سەپاند.

باشاران وتی:"ئەم دەسەڵاتە لە دژی کورد و هەموو لایەنە ئۆپۆزیسیۆنەکان لە هەوڵی تۆڵەسەندنەوەدایە و کۆتایی بەو رق و کینەیە ناهێنێت. ئەم دەسەڵاتە رەوایەتی گشتی و دیمۆکراسی خۆی لەدەست داوە. بڕیاری دووبارە دەستگیرکردنەوەی عوسمان کاڤالا، ناچارمان دەکات کە هەموو هێزە دیمۆکرات و ئاشتیخوازەکان، تێکۆشانیان بکەن بە یەک."

ز.ش