یەکێک لەو گەریلایانەی کە لە حەفتانین بە داواکاریەکی گەورە بەرخۆدانی دەکرد و بڕوای بە سەرکەوتن هەبوو، چەکدار ئامەد بوو. شەڕ هەندیک جار بۆ خولقاندنی جوانی بوو و هەندێک جاریش لە ڕزگارکردنی یەکێکی تر بە خۆفیداکردن ئەنجام دەدرا... شەڕ بۆ خوڵقاندنی داهاتوویەکی جوان بۆ منداڵان و شەڕ بە بڕواوە بۆ ڕزگاری گەل ئەنجامدەدرا.

شەڕێک بۆ داهاتوویەکی جوان، شەڕێک بۆ متمانەبوون بۆ دواڕۆژ، شەڕێک بۆ جوانی و وێژەی داهاتوو... شەڕ بۆ ئازادی و بۆ دادپەروەری. ئەگەر زۆر بە ئێش و ئازاریش بێت، بەڵام شەڕێکە بە شێوەی کوردبوون بۆ مردنێکی ئازاد لە کوردستان... چەکدار بۆ ئەم مەبەستە کەوتەڕێ و خۆی گەیاندە حەفتانین. دەیزانی باجی ئازادی قوڕسە، بەڵام جوانە و بەم تێگەیشنە چیاکانی هەڵبژارد.

گەریلا چەکدار یەکێک لە جوانترین سمبوڵی دڵسۆزی هاوڕێیەتی بوو. جەنگی حەفتانین شایەدی بۆ ئەو بەرخۆدانانە دەدات کە بەرخۆدان لە ئاستی جۆش و خڕۆشی دلۆپێکی باران بوو کاتێک بەر زەوی دەکەوێت. بەرخۆدان و شەڕ قاڕەمان دەخوڵقێنێت. بەرخۆدان چەکداری هەڵبژارد و چەکداریش بەرخۆدانی هەڵبژارد. بەسەر ئەو دوژمنەدا چوو کە چاوی بڕیبووە خاکەکەی.

'بۆ خەون و خەیالێ هاورێیان ئێمە ئازادی مسۆگەر دەکەین'

"ئەم چالاکیە بۆ تۆڵەی شەهیدەکانی ئێمەیە. بۆیە ئامانج و بڕیارەکەم گەورەیە. بۆ ئەوەی خەون و خەیاڵی هاوڕێکانم کە لەم ڕێگایەدا شەهید بوون و لەم ڕێگایەدا خوێنیان ڕژاند و کەوتنە ناو باوەشی خاکەوە، ئازادی مسۆگەر دەکەین و بە دیاری بە گەلەکەمانی دەدەین. بەڵێنمان سەرکەوتنمانە. بەڵێنەکەمان سەردەکەویت. کاتێک سەرکەوتین، ئەو کاتە بەڵێنەکەمان جێبەجێ دەبێت. لەگەڵ ئەو هەڤاڵانەی کە بەشداریان لەم چالاکیەدا کردووە و پلانی ئەم چالاکیەمان داناوە، خەون و خەیاڵی سەرکەوتن و ئازادیمان کردووە. ئەو هەڤاڵانە شەهید بوون، بەرخۆدان و سەرکەوتنیان بۆ ئێمە جێهێشت، فەرمانی ئەوەمان پێکراوە و ڕوویشتن. ئێستا لەگەڵمان نین، بەڵام دەزانم هەموو کاتێک لەسەر ڕێچکە و خەون و خەیاڵیان دەبین."

ئەم قسانە، دوایین قسەی چەکدار ئامەد بوون. چەکدار ئامەد ٢٥ی نیسانی ٢٠٢٠ لە گۆڕەپانی شەهید کەنداڵی حەفتانین لەگەڵ سێ هاوڕێی شەهید بوون. لە سەنگەرەکاندا لەدژی دوژمن شەڕی کرد و دواتر بەرەو باوەشی خال هەنگاوینا.

ف.ق