سه‌ربازانی سوپای توركی داگیركه‌ر له‌ سنووری ناوچه‌ی برادۆست هاوڵاتییانی سیڤیل ده‌كه‌نه ئامانج. به‌ گوێره‌ی زانیارییه‌كانی ئاژانسی هه‌واڵی فورات (ANF) سه‌ربازانی توركیا له‌ چیادێل-ه‌وه‌ ده‌ستڕێژیی گوله‌ له‌ گوندنشینان ده‌كه‌ن.

له‌ ئه‌نجامی دوایین هێرشی سه‌ربازانی توركیادا، زیان به‌ ئۆتۆمبێل و كه‌لوپه‌لی ماڵی هاوڵاتی جێگر سه‌لیم گه‌یشتووه‌ كه‌ دانیشتووی گوندی ده‌شته‌هێرته‌-یه‌. گوندنشینان ئاماژه‌ بۆ ئه‌وه‌ ده‌كه‌ن، به‌هۆی هێرشی سه‌ربازانی توركیا ژیان و گوزەرانیان له‌ ناوچه‌كه‌ سه‌خت بووه‌ و ناتوانن كاری ڕۆژانەی خۆیان ئەنجام بدەن. 

سوپای توركی داگیركه‌ر له‌ مانگی نیسانی ٢٠١٨ له‌ ناوچه‌ی برادۆست-ه‌وه‌ سنووری خاكی هه‌رێمی كوردستانی بەزاند و له‌وكاته‌وه‌ بەردەوام ناوچە سنوورییه‌كانی باشووری كوردستان بۆردومان و تۆپباران دەكات.
s.m