به‌ گوێره‌ی زانیارییه‌كان، كۆپته‌ره‌كانی سوپای تورك ھەریەك لە گەرووی كەوەرتێ و گەرووی بێسنۆك و چیادێل-یان بۆمباران كردووە، ده‌رباره‌ی زیانه‌كانیش تا ئێستا زانیاریی به‌ده‌ستنه‌خراوه‌.

ئەمیر حوسێن هاوڵاتیی گوندی خەلیفان بە ئاژانسی هه‌واڵی فورات (ANF)ی گوت: «شەوی ڕابردوو سوپای توركیا لە ڕێگه‌ی كۆپته‌ره‌وه‌ بۆمبارانی سنوورەكەمانی كرد. كۆپته‌ره‌كان به‌چڕی هێرشیان كرد‌ و زیانیان بە ژینگە و سرووشتی ناوچەكە گەیاند.»

ڕژێمی توركی داگیركه‌ر بەردەوام بۆردومان و تۆپبارانی ناوچە سنوورییەكانی ھەرێمی كوردستان دەكات. هه‌رچه‌نده‌ ساڵانە بەو ھۆیەوە چەندین ھاوڵاتیی سیڤیل دەبنە قوربانی، به‌ڵام تا ئێستا كاربه‌ده‌ستانی حكوومه‌تی هه‌رێم هیچ هه‌ڵوێستێكیان نه‌بووه‌.

s.m