هێڕشەکانی دەوڵەتی تورکیای داگیەرکەر لە دژی گۆری گەریلا ڕووی لە زیدابوونکردووە. بەشێوازێکی نائەخلاقی هێڕشدەکەنە سەر گۆڕەکانی گەریلا و تێکی دەدەن و هەڕەشە لە خێزانی شەهیدان دەکەن.

لە دوای وان، ئامەد، جولەمێرگ، موش و شرنەخ لە چەند ناوچەیکی تریش هێڕش کرایە سەر گۆڕ و مەزارگەی گەریلا.

لە دوای هێڕشی سەر گۆڕستانی سیسێی لیجە، ئەم جارە هێڕشیان کرد سەر گۆڕەکانی کۆڵانی لجۆکێ.

گۆڕی عیزەت توگال کە لەساڵی ١٩٩٥-١٩٩٦ لە لایەن ئەندامی میتی تورک شەهیدکرابوو، بەهادین تۆفان کە لە ١٠ تەموزی ساڵی ١٩٩١  لە مەراسیمی تەرمی ڤەدات ئایدن شەهیدکرا، گەریلای پەکەکە ئایدن بەدران  و  ئینایەت تانرڤەردی لە ساڵی ١٩٩٠ لە لیجە و موش لە شەردا شەهیدببوون، هەروەها  خەیاڵ زەنگین و کوڕەکەی موستەفا زەنگین لە ساڵی ١٩٩٣  لە لایەن جاشەکان شەهیدکران، بوونە ئامانجی هێڕشی دڕندانە و نامرۆڤانەی سەربازەکانی تورک.

ڕاگەیەنرا بکەرانی ئەو کردەوەی نامرۆییە کە سەربازەکانی تورکن لە ناوچەکە دەستیان بە ئۆپراسێۆن کردووە.

شایەد حاڵەکان ئاماژەیان بەوەدا کە  سەربازەکان لە ٤ حوزیرانەوە دەستیان بە ئۆپەڕاسێۆن کردووە و گۆڕەکانیان تێکداوە. هەروەها ڕاگەیەنرا سەربازەکانی تورکی داگیرکەر بە پیلاو لە کیلی  گۆڕی شەهیدانیان داوە و شکاندویانن و جێ پێلاوی سەربازەکان لەسەر کیلەکان ماون.

ف.ق