دواى راپەڕینەکەى ٢٦ی کانوونی دووەمی ٢٠١٩ لە شیلادزێ، کە هاووڵاتییان لە دژی هێرشە داگیرکەرییەکانى دەوڵەتى تورک چوونە سەر بارەگاى سەربازیى سوپاى تورکی داگیرکەر لە سیرێ، لە دهۆک، شیلادزێ، سیرێ و چەند ناوچەیەکى تری بادیناندا زیاتر لە ٨٠ کەس دەستگیرکران و تاوەکو ئێستاش ١٦ کەسیان لە زیندانەکاندا راگیراون.

٩ کەس لە دەستگیرکراوەکان ئەندامى نەوەى نوێن

لە دهۆک لەلایەن دەستەیەک لە چالاکوانان و هاووڵاتییان چالاکییەک ئەنجامدار و داوایانکرد، کەسە دەستگیرکراوەکان ئازاد بکرێن، بەڵام هێزەکانى ئاسایش هێرشیان کردە سەر چالاکییەکە و ١٠ کەسیان دەستگیرکرد، کە یەکێکیان رۆژنامەنووسە.

راشگەیەندرا، ٩ کەسی تر لە دەستگیرکراوەکان ئەندامانى نەوەى نوێن و یەکێک لە دەستگیرکراوەکانیش پەیامنێری ئێن ئاڕ تی-یە.

ئەو ١٦ چالاکوان و هاووڵاتییە کە تاوەکو ئێستا لە زینداندان، ٣ کەسیان لە دهۆک و ١٣ کەسی تریشیان لە زیندانى سیرکا رادەگیرێن.

ر.م