چالاکییەکە شەوی رابردوو بە بەشداریى ژمارەیەک لە هاووڵاتییان و چالاکوانان و بە دەستپێشخەریى رێکخراوى ژنانى ئازادى کوردستان (رەژاک) لە پارکى ئازادیى شارى سلێمانى بەڕێوەچوو.

 چالاکییەکە بە خولەکێک بێدەنگى و رێزگرتن بۆ شەهید زیلان و هەموو شەهیدانى تێکۆشانى ئازادیى کوردستان دەستیپێکرد.

بانو هەڵەبجەیی ئەندامی ئەنجوومەنی بەڕێوەبەریی رەژاک بە ناوى رەژاکەوە وتى، شەهید زیلان بە چالاکییەکەی سەلماندی ژنی کورد دەتوانێت ڕۆحییەتی فیداکاریی خۆی بخاتەگەڕ و شکست بە هێرش و پیلانگێڕییەکان بهێنێت.

لە یادەکەدا چەندین سرود و گۆرانی و بەرهەمی هونەریی و شۆڕشگێڕیی لەلایەن گروپەکانی شەهید سۆلین، کۆما شەهید سەرحەد و ڕۆژ-ەوە پێشکەشکران و لە کۆتایی مەراسیمەکەشدا دۆکیۆمێنتارییەک لەسەر لەسەر ژیان و تێكۆشانی شەهید زیلان نمایشكرا.

زەینەب کناجی (زیلان) لە ٣٠ى حوزەیرانى ١٩٩٦دا چالاکییەکى فیدایى لە دژى هێزەکانى سوپاى تورکیا لە دێرسیم ئەنجامدا. کوردستانیان و هەڤاڵەکانى و چالاکوانان هەموو ساڵێک بە بۆنەى یادکردنەوەى ئەو چالاکییەى زیلانەوە، چەندین ئاهەنگ و یاد و چالاکى بەڕێوەدەبەن.

ر.م