لە شاری ئامەد ئێشکگری دیموکراسیی هەدەپە لە ڕۆژی ٤١هەمینی خۆیدا بەردەوامە. چالاکییەکە وەکوو هەموو ڕۆژێک لە شەقامی لیسە لە ناو گەمارۆی هێزەکانی پۆلیسی تورکدا بەڕێوەدەچێت. ئەندامانی کۆنسەی ناوەندی ژووری پزیشکان تورک(TTB ) ، ئەندامانی یەکێتی بۆ دیموکراسی (DÎB ) بەشدارییان لەچالاکییەکەدا کرد و پشتگیری خۆیان بۆ چالاکییەکە دەربڕی.

ئاپۆڕای جەماوەرکە پێکهاتبوون لە هاووڵاتیان، پەرلمانتار، بەڕێوەبەرانی هەدەپە، دایکانی ئاشتی و توێژەکانی تری کۆمەڵگە بە وتنەوەی دروشم دانانی قەیومەکانیان ئیدانەکرد.

لە چالاکییەکەدا سینان چیفتیورەک سەرۆکی پارتی کۆمۆنیستی کوردستان قسەیکرد و وتی، لەدژی قەیومەکان بەرخۆدانی ئەوام بەردەوام دەکات.

ئەردۆغان ئایدین مێژووناس لە چالاکییەکەدا قسەیکرد و ئاماژەی بەوەکرد کە مافی کوردان لە هەڵبژاردنەکاندا پێشێلدەکرێت و وتی، " ئێوە ئیستا نە تەنها بۆ دەسبەسەرداگرتنی ئیرادەی خۆتان لێرەن ، بەلکوو ئێوە هاوکات بۆ بەرزکردنەوەی ئالای یەکسانی و بەرابەری لە تورکیا تێکۆشان دەکەن. مافی هەرە دیموکراتیکی ئێوەیان زەوت کردووە. ئەمەش نیشانەی دیکتاتۆری و زۆردارییە."

سینان ئادیامان سەرۆکی ژووری پزیشکان لەچالاکییەکەدا ئەوەی خستەڕوو کە ژیانی هاووڵاتیان بە تەندرووستیی بە ئاشتی و ئازادی کۆمەڵگا مسۆگەردەبێت و وتی، تەندرووستی تەنها نەخۆشین نییە. تەندرووستی سەلامەتی کۆمەڵگەیە. هەتاکوو ئازادی، یەکسانی، دیموکراسی و ئاشتی جێگیر نەبێت ئەوا دۆخی تەندرووستیش باش نابێت.

چالاکییەکە دوای ١٠ خولەک دانیشتن کۆتایی هات.

ک-ش