هاوسەرۆک شارەوانیی قەرەیازی و ٣ کەسی تر دەستگیرکران
بورهانەدین شاهین هاوسەرۆک شارەانیی قەرەیازی لە پارێزگای ئەرزرۆم لە دواى ئەوەى لەلایەن دەوڵەتى تورکەوە لە پۆستەکەى دوورخرایەوە و دەستبەسەر پۆستەکەیدا گیرا، دەستگیرکرا.
بورهانەدین شاهین هاوسەرۆک شارەانیی قەرەیازی لە پارێزگای ئەرزرۆم لە دواى ئەوەى لەلایەن دەوڵەتى تورکەوە لە پۆستەکەى دوورخرایەوە و دەستبەسەر پۆستەکەیدا گیرا، دەستگیرکرا.
بورهانەدین شاهین هاوسەرۆک شارەوانیی هەدەپە لە ناوچەى قەرەیازیی پارێزگای ئەرزرۆم لە باکووری کوردستان لەلایەن دەوڵەتی تورکەوە پۆستەکەى زەوتکرا و دوای ئەوەش هەڵیانکوتایە سەر ماڵەکەى و دەستگیریان کرد.
هەروەها لەگەڵ شاهین دا، محمود چیمەنداغ، فەسیح پۆڵات و عادل بینگۆل-یش دەستگیرکراون.
ئەو هاووڵاتییە هەدەپەیییانەیان بردووە بۆ فەرماندەیی هێزەکانی جەندرمە و لەبارەى هۆکاری دەستگیرکردنیانەوە هیچ زانیارییەک بڵاونەکراوەتەوە.
بورهانەدین شاهین لە تەممووزی ٢٠١٩دا لە پەلامار و هەڵکوتانی هێزە ئەمنییەکان بۆ سەر ماڵی هاووڵاتییان لەگەڵ ٩ کەسی تردا دەستگیرکرابوو.
لە کانوونی یەکەمی ٢٠١٩دا لەگەڵ شاهین ١٥ ئەندامی تری ئەنجوومەنی شارەوانییەکانی قەرەیازی، تەکمان و قەرەچۆبان، کە سەر بە هەدەپە بوون لەکارەکانیان لابران و ئاکەپە پۆست و ئەرک و کارەکانیانی بۆ خۆی زەوتکرد.
مەلیکە گۆکسو هاوسەرۆک شارەوانیی قەرەیازی لە ١٨ی ئەیلولی ٢٠١٩دا بڕیاری زیندانیکردنی بەسەردا سەپێنرا و دەوڵەتی تورکیش بە هاوپەیمانیی ئاکەپە – مەهەپەی فاشیست قەیومێکیان بەسەر شارەوانیی قەرەیازدا و لە شوێنی هاوسەرۆک شارەوانیە شەرعییە هەڵبژێردراوەکەى گەل دا داسەپاند.
ژ.ت