ناوەندی راگەیاندن و چاپەمەنیى هێزەکانى پاراستنى گەل (هەگەپە) لەبارەى ئەو چالاکییەى هێزەکانى گەریلا و هێرشە ئاسمانییەکانى سوپاى تورکی داگیرکەرەوە راگەیانداروێکى بڵاوکردەوە.

لە راگەیاندراوەکەدا هاتووە:

"لە چوارچێوەى هەڵمەتى سەرکەوتنی شۆڕشگێڕیدا لە ئەیالەتى سەرحەد هێزەکانمان دوێنێ ١٣ی نیسانی ٢٠١٩ / ٢٤ی خاکەلێوە و لە کاتژمێر ١٠:٠٠ دا لەسەر رێگاى بازید – ئیدر لە دژی کاروانێکى پێکهاتوو لە ٦ زرێپۆشى سوپاى کۆمارى تورکیاى داگیرکەر چالاکییان ئەنجامدا.

لە کاتى چالاکییەکەدا هەندێک لە زرێپۆشەکان لە شوێنى چالاکییەکە رایانکرد و زرێپۆشکى جۆری کیرپی گورزی قورسی لێدرا و نەیتوانى لە شوێنى چالاکییەکە رابکات.

بەهۆی گورزی هێزەکانمانەوە زیانێکى زۆر بەو زرێپۆشە گەیشت. ٣ کاتژمێر دواى ئەو چالاکییەی هێزەکانی دوژمن چوونە شوێنى چالاکییەکە و دەستیانکرد بە کاری دەربازکردن و سەربازە کوژراو و بریندارەکانیان گواستەوە.

هێزەکانى دوژمن لە دواى ئەو چالاکییە کاریگەرە، بە چەکی قورس دەورووبەری شوێنى چالاکییەکەیان بۆردومانکرد. ژمارەى کوژراوان و بریندارانى دوژمن روون نەبووەتەوە. لەو چالاکییەدا هیچ زیانێک بە هێزەکانمان نەگەیشتووە.

هێرشی ئاسمانى

دوێنێ ١٣ی نسان فڕۆکە جەنگییەکانى سوپاى کۆمارى تورکیاى داگیرکەر ناوچەکانى پاراستنى مەدیایان بۆردمانکرد.

دوێنێ کاتژمێر ٠٩:٣٠ لە ناوچەى باسای ئاڤاشین و کاتژمێر ١١:٠٠ بۆ ١١:٣٠ ناوچەى کارۆخ لە قەندیل، ناوچەى شکەفتی برینداران لە زێ، شاخی شەهید هێمن لە خواکورک و لە کاتژمێر ١٦:٠٠ بۆ ١٦:٣٠ شاخی شەهید دیرەن و ئاڤاشین، ناوچەى ئاریس-فاریس و مام ڕەش-یان بۆردومانکرد.

لەو بۆردومانانەدا هیچ زیانێک بە هێزەکانمان نەگەیشتووە".

ر.م