لە بارەگاى هەدەپە لە شاری ئامەد چالاکیى مانگرتن بۆ تێکشکاندنى گۆشەگیریی سەر عەبدوڵا ئۆجالان رێبەری گەلی کورد لەلایەن پەرلەمانتارانى هەدەپە دێرسیم داغ، تەیب تەمەل و موراد ساریساچ و ئەندامانى هەدەپە سەڤیجان یاشار، ساڵح جان سەڤەر، عیسمەت یڵدز، ساڵح تەکین، بیلال ئۆزگەزەر، عەبدولخالق کورت و یوسف ئاتەش دەستیپێکردبوو. لە هەڵکوتانی پێشووتری  پۆلیسی تورکدا ٧ کەس لەو چالاکوانە مانگرتووانە دەستیگرکرابوون و بڕیاری زیندانیکردن بەسەر ٤ کەسیاندا سەپێنرا.

عەبدولخاق کورت، یوسف ئاتەش و ساڵح جان سەڤەر لە هەڵکوتانەکەى پۆلیس لە رۆژی ٨ی ئادار دا بۆ سەر بارەگاى هەدەپە دەستگیرکرابوون و دواى ئازادبوونیان بەردەوامییان بە چالاکیی مانگرتنەکەیان دا.

ئەمڕۆ دیسانەوە پۆلیس لە کاتژمێر ٠٧:٢٠ دا بۆ جاری سێیەم هەڵیکوتایەوە سەر بارەگاى هەدەپە لە ئامەد و عەبدولخالق کورت، یوسف ئاتەش و ساڵح جان سەڤەر-یان دیسانەوە دەستگیر کردەوە.

ر.م