کۆپتەرە جەنگییەکانى سوپاى تورکی داگیرکەر لە کاتژمێر ٨:٣٠ بۆ ٩:٠٠ دەورووبەری گوندی خەلیفان و چیادێل-یان بۆردومانکرد.

دانیشتوویەکی گوندی خەلیفان لە ھەرێمی برادۆست بە ئاژانسی ھەواڵی فورات (ANF) ی راگەیاند: "ئەم شەو ھەلیكۆپتەرەكانی توركیا  نزیك گوندی ئێمەیان لەگەڵ چەند شوێنێكی تر بۆردومانکرد. بەراستی ئەو هێرش و بۆردومانانە ترس و دڵەڕاوكێی لا ئێمەی گوندنشین دروست كردووە و ناتوانین لەماڵەكانمان بچینەدەرەوە".

ئەو گوندنشینە وتیشی: "تا ئێستاش کۆپتەرە جەنگییەکان و فڕۆکە جەنگییەکانى تورکیا بە بەردەوامی بەسەر ئاسمانی دەورووربەری گوندەكەماندا دەسوڕێنەوە و بەو هۆیەوە ژیانى ئاسایى هاووڵاتییان تێکچووە و هاووڵاتییان ترسیان لەوە هەیە ناوچەکەیان زیاتر بۆردومان بکرێت".

ر.م