خزم و پاسەوانەکانی پەرلەمانتاری ئاکەپە ئیبراهیم خەلیل یەڵدز لە ١٤ی حوزەیرانی ٢٠١٨دا لە ناوچەی پرسوسی رحا هێرشیان کردەسەر بنەماڵەی شەنیاشار. لە ئەنجامی ئەو هێرشەدا هاوژینی ئەمینە شەنیاشار و دوو کوڕی کوژران. بەو هۆیەوە ئەمینە شەنیاشار و فەرید شەنیاشاری کوڕی لە ٩ی ئاداری ٢٠٢١ەوە لە بەردەم دادگای رحا دەستیان بە چالاکی ئێشکگریی دادپەروەی کردووە. چالاکی بنەماڵەی شەنیاشار لە رۆژی ٧٦٠ەمیندا بەردەوامە. ئەمینە شەنیاشار و فەرید شەنیاشار ئەمڕۆ لە سەرلەبەیانیەوە لە پرسوسەوە چوونە بەردەم دادگای رحا. بنەماڵەکە پلاکاردی "دادپەروەری بۆ بنەماڵەی شەنیاشار"یان بەرزکردەوە و دەستیان بە ئێشکگریی دادپەروەری کرد.

فەرید شەنیاشار لەگەڵ خزم و کەسوکاری خۆی لەبەردەم دادگاد لێدوانیدا و وتی، "ئەمرۆ رۆژی ٧٦٠ەمینی تێکۆشانی ئێمەیە بۆ دادپەروەری. هاوکات یەکەم رۆژی جەژنی رەمەزانی جیهانی ئیسلامییە. بە گوێرەی نەریتی رحا؛ ئەندامانی خێزان لە ماڵەگەورەکەی بنەماڵەکەیان کۆدەبنەوە و جەژن پیرۆز دەکەن. دوو ساڵە بەردەم دادگای رحا بووەتە ماڵێ ئێمە. ئەمڕۆش خزم و کەسوکارمان هاتنە بەردەم دادگا و هەرچەندە بە خەمگینیشەوە بێت جەژنمان پیرۆز کرد. داوای دادپەروەری دەکەین. هیوامان بە هەڵباژردن هەیە. خەڵکی رحا خاوەنداری لە دایکێک کرد. ئاواتمان ئەوەیە لە دوای هەڵبژاردن دادپەروەری بێتەدی و ئێمەش جەژنی قوربان لە ماڵی خۆمان لەگەڵ بنەماڵەکەمان پیرۆز بکەین".

هـ . ب